Tags-Sharm

nāz-o-andāz-o-adā se tumheñ sharm aane lagī
aarzī husn kā aalam vo kahāñ hai ki jo thā

huuñ bā-vafā to mirā sar nahīñ jhukegā kabhī
jo bevafā huuñ to phir sharm se gaḌā milūñgā

tum ko 'mā.il' bahut hai sharm-e-gunāh
rāt-din munfa.il tumhīñ to ho

ḳhanda-zan dāġh-e-ma.āsī pe huī jaatī hai
lo mirī sharm-e-gunah ko bhī adā.eñ aa.iiñ

aqdār kā fuqdān havasnākī-o-vahshat
sab parde haTā rakkhe haiñ ab sharm-o-hayā ne

sharm peshāniyoñ pe baiThī hai
ghar se niklo to sar jhukā.e raho

maiñ jab gulāb chuum rahā thā to dekh kar
chehra kisī kā sharam se kyuuñ laal ho gayā

maiñ jāntā huuñ sharm se bojhal nigāh ko
ye nañgī ḳhvāhishoñ kā purānā libās hai

qurbān is hijāb ke is sharm ke nisār
itnā na āshiqoñ se kar ai mah-laqā lihāz

tanhā maiñ aur itne vahāñ haiñ mire raqīb
nāz-o-adā ġhamza-o-sharm-o-hayā lihāz

zamīñ pe reñgte rahne ko ham jo haiñ maujūd
jo ahl-e-sharm the zer-e-zamīñ chale ga.e haiñ

shāyad raqīb Duub mareñ bahr-e-sharm meñ
Dūbeñge mauj-e-ashk kī tuġhyāniyoñ meñ ham

unheñ sharm hai aur yahāñ shauq-e-behad
agar hāthā-pā.ī na hogī to hogī

jiit ke koī aa.e tab haar ke koī aa.e tab
jauhar-e-teġh sharm hai aur niyām rañj hai

zer-e-mahal us shoḳh ke jā ke paañv jo ham ne phailā.e
sharm-o-hayā ne uThne na dī chilman jo chhuTī mahtābī kī

sharm se hotā nahīñ hai vāsta be-sharm ko
jo muḳhannas ho use kyā vāsta shādī se hai

yaaro vo sharm se jo na bolā to kyā huā
āñkhoñ meñ sau tarah kī hikāyāt ho ga.ī

yahāñ kyā zikr sharm o aabrū kā
ye daur-e-azmat-e-maryam nahīñ hai

tab kahā maiñ ne ki sun lo sher meñ kyā sharm hai
sub.h ke do shaam ke do din ke do aur shab ke do