Tags-Sharm

chehra-e-afsurda par ThanDā pasīna sharm kā
sust nabzeñ bhiik kā lahje ke andar Thīkrā

hashr ke din bhī rahī baat vahī aañkh vahī
jhūTe va.adoñ se tujhe sharm zarā bhī aa.ī

bane husn vaale sarāpā qayāmat javānī jab aa.ī to andāz aa.e
girā.ī kabhī shoḳh nazroñ se bijlī kabhī sharm aa.ī kabhī muskurā.e

mere mazāq-e-dīd kī sharm usī ke haath hai
jis ne shuā-e-husn ko husn-e-nazar banā diyā

gudāz-e-ishq se labrez thā qalb-e-hazīñ us kā
magar ā.īna-dār-e-sharm thā rū-e-hasīñ is kā

ye kah rahī hai mujh se kisī kī nigāh-e-sharm
fursat agar hayā se mile shoḳhiyāñ karūñ

kabhī to hotā hai merī samajh se bāhar hī
kabhī maiñ sharm ke maare nahīñ samajhtā huuñ

yuuñ to bebāk banā phirtā hai vo yāroñ meñ
us kī ā.ankhoñ meñ ajab sharm-o-hayā chaltī hai

sailāb-e-havādis bhī huā sharm se paanī
āñkhoñ se mirī ashk kuchh is shaan se barse

paanī paanī vahīñ sharm se ho gayā

bebākī-o-shoḳhī bhī hai aur sharm-o-hayā bhī
do mahram-e-asrār haiñ to parda-kushā do

thā ḳhār-e-jigar hijr meñ tanhā ġham-e-dūrī
haiñ āfat-e-jāñ vasl meñ ab sharm-o-hayā do

jahāñ mai-kash bhī jaa.eñ Darte Darte
vahāñ vaa.iz ko sharm aatī nahīñ hai

huā ba.ad-e-vasl ajab mazā ki ḳhamosh baiThe judā judā
hama-tan maiñ sabr-o-sukūñ huā hama-tan-o-sharm-o-hayā hue

haa.e is sharm-e-mohabbat kā burā ho 'tābāñ'
ishq kā raaz ḳhud un se bhī chhupānā hai hameñ

na dekhā baaġh meñ nargis niiñ tujh kuuñ sharm jaane siiñ
isī ġham meñ huī hai sar-nigūñ vo vaqt nahīñ paatī

ye bhī adā-e-nāz thī vo bhī adā-e-nāz
machleñ jo shoḳhiyāñ nigah-e-sharm-sār meñ

ḳhud-parastī ho jis kī fitrat meñ
vo to be-sharm be-hayā hogā

sharm ik adā-e-nāz hai apne hī se sahī
haiñ kitne be-hijāb ki haiñ yuuñ hijāb meñ

sharm-e-rusvā.ī se jā chhupnā naqāb-e-ḳhāk meñ
ḳhatm hai ulfat kī tujh par parda-dārī haa.e haa.e