Tags-Shohrat

har dar-o-dīvār par likkhā huā hai merā naam
vaj.h-e-shohrat ban ga.e haiñ kitne rusvā.ī ke rañg

kāñTe sī ḳhud merī shohrat har-pal dil meñ chubhtī hai
fan ko khel-tamāshā samjhā maiñ bhī kaisā pāgal huuñ

vo junūñ ko baḌhā.e jā.eñge
un kī shohrat hai merī rusvā.ī

apne aḳhlāq kī shohrat ne ajab din dikhlā.e
vo bhī aate rahe ahbāb bhī saath aate rahe

thī kabhī shahar meñ us kī shohrat
sab se ūñchā thā gharānā apnā

ye qaaf se qaaf tak hai shohrat kareñge vo imtihān-e-vahshat
junūñ kā aalam ye kah rahā hai yahīñ se Takrāte sar ko chaliye

husn ḳhuddār ho to bā.is-e-shohrat hai zarūr
lekin in bātoñ meñ ho jaatī hai rusvā.ī bhī

aib shohrat meñ nahīñ is kā nasha qātil hai
ye havā kitne charāġhoñ ko bujhā detī hai

ulajh rahe haiñ bahut log merī shohrat se
kisī ko yuuñ to koī mujh se iḳhtilāf na thā

kisī ko be-sabab shohrat nahīñ miltī hai ai 'vāhid'
unhīñ ke naam haiñ duniyā meñ jin ke kaam achchhe haiñ

paḌī hai pīchhe kuchh aisī shāmat miTā rahe haiñ nishān-e-sarvat
bahut azīzoñ ko bahr-e-shohrat gañvāte apnā vaqār dekhā

fan kī hamāre aaj bhī shohrat hai har taraf
vo mutma.in thā dast-e-hunar kāTne ke ba.ad

merī rusvā.ī kī naubat aa ga.ī
un kī shohrat kū-ba-kū hone lagī

ḳhud apne ghar meñ hai jab ajnabī to
mire bhaa.ī ye shohrat kis liye hai

nigah-e-yār se pā lete haiñ dil kī bāteñ
shohrat-e-kashf-o-karāmāt chalī jaatī hai

kisī kī shaḳhsiyat majrūh kar dī
zamāne bhar meñ shohrat ho rahī hai

jo kabhī ḳhush na hue dekh ke shohrat merī
mere apne haiñ mujhe pyaar kiyā karte haiñ

chhīn letā hai sukūñ shohrat kā shauq
is liye ham rah ga.e gumnām se

shohrat tanhā tai kartī hai raste ko
uḌ kar phuul nahīñ jaatā mahkār ke saath

husn bhī hai maslahat-bīñ ishq bhī duniyā-shanās
aap kī shohrat ga.ī yāroñ kī rusvā.ī ga.ī