Collections

Lab Shayari

Motivational Ghazals

Best Khamoshi Shayari

More Collections

Tags-Shohrat

apnī shohrat ke liye ḳhushbū ko
sahn-e-gulshan se nikalnā hogā

har qadam gir ke sambhalna hoga

tujhe halqa-ba-halqa khīñchte phirte haiñ duniyā meñ
so ai zanjīr-e-pā yuuñ bhī tirī shohrat ziyāda hai

mohabbat mein na jaane kyun hamein fursat ziyaada hai

''ġhazleñ dohe gīt'' kī shohrat mulk se bāhar phailī thī
hindostāñ se aane vaale tohfoñ meñ le jaate the

kuchh din guzre aali-sahib aali-ji kahlate the

ye daulat ye shohrat ye sab aarzī hai
mubārak ho rab kī razā māñgte ho

andheron se tum kyon ziya mangte ho

shohrat kī bulandī bhī pal bhar kā tamāshā hai
jis Daal pe baiThe ho vo TuuT bhī saktī hai

shohrat ki bulandi bhi pal bhar ka tamasha hai

ho ga.ī fart-e-nazākat se hayā kī shohrat
aa gayā un ko pasīna jo laḌī merī aañkh

na Dare barq se dil ki hai kaDi meri aankh

kyā pūchhte ho kaun hai ye kis kī hai shohrat
kyā tum ne kabhī 'dāġh' kā dīvāñ nahīñ dekhā

kya puchhte ho kaun hai ye kis ki hai shohrat

is duniyā meñ kuchh paane kā muul chukānā paḌtā hai
milī hai shohrat jin ko ziyāda vo apnoñ se duur hue

ishq ke raste chalte chalte hum aise majbur hue

maiñ baḌhā.uñgā tirī shohrat-e-ḳhush-bū kā nikhār
tū duā de mire afsāna-e-rusvā.ī ko

aap ki aankh se gahra hai meri ruh ka zaKHm

dil-e-shā.ir ke naġhmāt hasīñ se
tire jalvoñ kī shohrat ho ga.ī hai

mujhe tum se mohabbat ho gai hai

shohrat kī bulandī pe mujhe bhuul gayā hai
kyā naam mirā 'ramz' vasīle ke liye thā

jalne ka hunar sirf fatile ke liye tha

husn-e-fitrat ke amiiñ qātil-e-kirdār na ban
shohrat-e-ġham ke liye raunaq-e-bāzār na ban

husn-e-fitrat ke amin qatil-e-kirdar na ban

bhuul kar vo baḳhsh de gar raushnī kī ik kiran
dā.imī shohrat ke da.avedār ho jaate haiñ ham

akasr apne dar-pae-azar ho jate hain hum

mujh se ye pūchh rahe haiñ mire ahbāb 'azīz'
kyā milā shahr-e-suḳhan meñ tumheñ shohrat ke sivā

sozish-e-gham ke siwa kahish-e-furqat ke siwa

kisī kī shaḳhsiyat majrūh kar dī
zamāne bhar meñ shohrat ho rahī hai

kisi ki shaKHsiyat majruh kar di

adā mauj-e-tajassus kī tarah thī
nafas ḳhushbū kī shohrat kī tarah thā

libas us ka alamat ki tarah tha

kasī ke naam pe ham dostī nibhāte the
aur ab bhī vaisī hī shohrat hai ya.anī ham abhī haiñ

hamara ishq salamat hai yani hum abhi hain

apnī shohrat ke liye us ne to kuchh sochā nahīñ
ho ga.ī lekin 'vasiyya' kī ġhazal mash.hūr kyuuñ

baadshah-e-waqt koi aur koi majbur kyun

jins-e-shohrat bahut arzāñ thī magar maiñ ne 'hafīz'
daulat-e-dard ko be-kār na khonā chāhā

ishq ne husn ki be-dad pe rona chaha

is tarah shauq-e-ġhazālāñ meñ ġhazal-ḳhvāñ ho zafar
shohrat-e-mushk-e-ġhazal shahr-e-ḳhutan tak pahuñche

dar-e-mai-KHana se diwar-e-chaman tak pahunche