Tags-Shohrat

laakh zālim ne chhupā.e apne aib
'shauq' us kī phir bhī shohrat ho ga.ī

jis mohabbat se tirī shohrat huī
is meñ shāyad kuchh tirā hissa na thā

aalam hai ai mah-rū tujh par
shahroñ meñ hai shohrat kaisī

thī 'mohsin' ye bhī jins-e-nā-mubārak
huī shohrat kī rusvā.ī to jaanā

gumnām thā to kunj-e-qanā.at nasīb thā
phirtī hai chār-sū mirī shohrat liye hue

bahakne lagī hai zabāñ ab to un kī
yuuñ daulat-o-shohrat kā chaḌhtā nasha hai

shohrat bhī us ke saath hai daulat bhī us ke haath hai
ḳhud se bhī vo mile kabhī us ke liye duā karo

mas.ala us kī anā kā thā ki shohrat kī talab
us kā har ehsān mujh par nekiyāñ Dhātā rahā

kitne hī log hirs-e-shohrat meñ
daar par ḳhud laTak ga.e hoñge

kū-e-dildār meñ baaqī nahīñ shorīda-sarāñ
shahr daryūza-gar-e-kūcha-e-shohrat hai miyāñ

tujhe halqa-ba-halqa khīñchte phirte haiñ duniyā meñ
so ai zanjīr-e-pā yuuñ bhī tirī shohrat ziyāda hai

bastī bastī aaj hamārī sa.ī-e-vafā kī shohrat hai
ham ne 'zahīr' ik aalam ko pāband-e-nigāh-e-yār kiyā

ham be-niyāz guzre shohrat kī sāzishoñ se
nām-o-nishāñ hamārā ahl-e-qalam na DhūñDeñ

ahl-e-dil terī vafāoñ kī qasam khāte haiñ
bar-sar-e-kū-e-jafā bhī tirī shohrat hai baḌī

paḌh liyā us kī yaad kā nusḳha
us meñ shohrat kā koī baab nahīñ

shohrat milī thī jur.at-e-taqrīr se jise
shohrat ne us se jur.at-e-taqrīr chhīn lī

marne ke ba.ad azmat o shohrat se fā.eda
lekin jahāñ tamām hī murda-parast thā

qalandar huuñ mujhe shohrat kī chāhat hī nahīñ varna
maiñ rakh duuñ jis ke sar par haath vo sardār ho jaa.e

bane koī ilm o fan kā mālik ki maiñ huuñ rāh-e-vafā kā sālik
nahīñ hai shohrat kī fikr 'bāqar' ġhazal kā ik rāzdār kyā hai

shohrā hai ki rusvā.ī kī tasdīq hai vo shaḳhs
shohrat kā bharosa koī hotā bhī nahīñ ḳhair