Tags-Sukoon

us kā dhyān jab aatā hai
ek sukūn sā paate haiñ

agar tujhe ilm hī na hotā to phir kabhī ham gila na karte
sukūn kyuuñ chhin gayā hamārā tujhe ḳhabar hai sitam to ye hai

bahut sukūn se rahte the ham añdhere meñ
fasād paidā huā raushnī ke aane se

tah-nashīn maujeñ to pur-sukūn rahtī haiñ
aur sat.h-e-dariyā kī mauj uchhaltī rahtī hai

zabāñ ne jism kā kuchh zahr to ugal Daalā
bahut sukūn milā talḳhī-e-navā se mujhe

tere ġham se to sukūn miltā hai
apne sho.aloñ ne jalāyā ham ko

kyā jaane kis jahāñ meñ milegā hameñ sukūn
nārāz haiñ zamīñ se ḳhafā āsmāñ se ham

kyā jaane kis jahāñ meñ milegā hameñ sukūn
nārāz haiñ zamīñ se ḳhafā āsmāñ se ham

ġharaz to ye hai tirā markaz-e-nigāh rahūñ
sukūn-e-dil na sahī iztirāb paidā kar

jab bhī sāmān-e-sukūn-e-dil-o-jāñ hone lagā
choT khaa.ī thī kabhī is kā gumāñ hone lagā

kuchh sukūn detī haiñ badliyāñ umīdoñ kī
yās-o-huzn ke tūfāñ sar se jab guzarte haiñ

hai kis liye ye vus.at-e-dāmān-e-iltifāt
dil kā sukūn to inhī tanhā.iyoñ meñ hai

merā sukūn shauq hai sab kuchh mire liye
nāloñ ko be-niyāz asar chāhtā huuñ maiñ

na sukūn-e-dil kī chāhat meñ taḌap 'adīb' itnā
kisī aur ko tū miltā jo kahīñ qarār hotā

ye sukūn-e-be-jihat ye kashish ajiib hai
tujh meñ band kar diyā kis ne shash-jahāt ko

milā na jis ke liye ghar kā narm garm sukūn
yahīñ kahīñ vo sar-e-rahguzar milegā mujhe

chhin gayā hai sukūn bhī merā
āshiqī ne mujhe diyā kyā hai

koī sabab hai ki yārab sukūn hai itnā
mujhe ḳhabar hī nahīñ hai ki intizār hai kyā

sukūn-e-dil gayā nazroñ se sab qatāre ga.e
chaman meñ khilte hue jab se phuul maare ga.e

yahī sukūn mirī be-kalī na ban jaa.e
ki zindagī meñ koī vaj.h-e-intizār nahīñ