Tags-Sukoon

baḌā sukūn milegā tujhe yahāñ aa kar
jo ho sake to kabhī mere dil meñ rahne aa

ham ko dil kā sukūn miltā hai
fāqa-mastoñ ko kuchh khilāne se

ham tujhe bhulā kar bhī kyā sukūn pā.eñge
zindagī to hai tere dard kī panāhoñ meñ

us ko sukūn chāhiye jiine ke vāste
rahtā hai aur apnā hī ghar dekhtā nahīñ

surūr se aTe hue ai mausam-e-visāl ruk
mile darīda-qalb ko sukūn-e-indimāl ruk

hai pur-sukūn samundar kuchh is tarah dil kā
ki jaise chāñd khilā hī nahīñ hai tere ba.ad

apnī ḳhushī vajūd-e-gulistāñ pe ai 'nasīm'
maanā ki vo sukūn-e-nasheman yahāñ kahāñ

zidoñ meñ tark-e-ta.alluq to kar liyā lekin
sukūñ use bhī nahīñ be-qarār maiñ bhī haiñ

be-sukūn zehnoñ ko
loriyāñ sunāne meñ

baḌe sukūn se tum so ga.e vahāñ jā kar
ye kaise niiñd tumheñ aa ga.ī na.e ghar meñ

yahī jannat hai jo hāsil ho sukūn-e-ḳhātir
aur dozaḳh yahī duniyā agar ārām nahīñ

baḌe sukūn se soī hai aaj ḳhilqat-e-shahr
manā ke jashn charāġhoñ kī lau bujhāne kā

jazba-e-ḳhāk-parvarī aur sukūn pā.egā
ḳhaak karo hameñ to phir ḳhaak uḌā diyā karo

justajū-e-sukūn-e-dil thī mujhe
ġharq-e-dariyā-e-iztirāb huuñ maiñ

fanā ke ba.ad miltā hai sukūn-e-rāhat-e-manzil
jahāñ shīrāza-e-hastī kabhī barham nahīñ hotā

ghar meñ rahnā tumheñ nahīñ aatā
varna saarā sukūn ghar meñ hai

isī tarah se ajab kyā jo kuchh sukūn mile
ġham-e-firāq ke maaro koī to baat karo

na dair se na haram se na mai-kade se milā
sukūn-e-rūh milā hai jo tere dar se mujhe

yaañ tuur o kalīm nahīñ na sahī maiñ hāzir huuñ le phūñk mujhe
parde ko uThā de mukhḌe se barbād sukūn-e-dil kar de

sukūn ho kis tarah mayassar nasīb ho chain kaise āḳhir
na maut aa.ī marīz-e-ġham ko na vo shab-e-intizār aayā