Tags-Sukoon

use be-numū kisī ḳhvāb ne kahīñ gahrī niiñd sulā diyā
use bhā ga.ī haiñ kahāvateñ use bhī qafas meñ sukūn hai

mire rāste baḌe narm-ḳhū vo shumāl ho ki junūb ho
mire qulzum-e-ġham-e-jāvedāñ tire niile ras meñ sukūn hai

kisī maslahat ke ġhubār meñ kahāñ rāsta nazar aa.egā
use jā ke dekhiye dosto jise pesh-o-pas meñ sukūn hai

koī hai jo ġham nahīñ jheltā kise har nafas meñ sukūn hai
tire chāra-gar ko ḳhabar nahīñ tire apne bas meñ sukūn hai

kabhī hādsoñ se Darā nahīñ kabhī faisloñ se phirā nahīñ
mirī be-yaqīniyāñ be-ḳhabar mirī dastaras meñ sukūn hai

nigāh rakhte haiñ saaqī vo terī āñkhoñ par
sukūn-e-dil ke jo pyāle talāsh karte haiñ

hazāroñ haiñ sukūn-e-dil ke sāmāñ
ye duniyā phir bhī ghabrā.ī huī hai

kis ne paayā sukūn duniyā meñ
zindagānī kā sāmnā kar ke

baḌā sukūn milā aaj us ke milne se
chalo ye dil se tavaqqo.a kā vasvasa bhī gayā

tujhe kyā huā hai batā ai dil na sukūn hai na qarār hai
kabhī us hasīn kī chaah hai kabhī us nigār se pyaar hai

safar-e-talāsh-e-sukūn meñ baḌhe aur dard ke silsile
mujhe manziloñ kī ḳhabar nahīñ yahāñ sirf dasht haiñ ḳhaar hai

kabhī sukūn se jiine nahīñ diyā us ne
vo ek ishq kā saudā jo sar meñ rakkhā hai

allāh hī kī yaad bahar-hāl ḳhalq meñ
vaj.h-e-sukūn-e-ḳhatir-e-andoh-gīñ rahī

ajal ne ziist ke sab mas.ale sameT liye
baḌe sukūn se vo gosha-e-lahad meñ rahā

tirī sarā.e meñ sāmāñ kahāñ sukūn kā thā
kisī tarah se musāfir bhī shab guzār ga.e

kaun sukūn de sakā ġham-zadagān-e-ishq ko
bhīgtī rāteñ bhī 'firāq' aag lagā ke rah ga.iiñ

tirī yaad hai ki bujhī bujhī tirā zikr hai ki rukā rukā
tirī yaad se to sukūn thā tire zikr se to qarār thā

dil meñ ubal rahe haiñ vo tūfāñ ki al-amāñ
chehre pe vo sukūn hai maano ḳhabar nahīñ

dayār-e-bād-e-junūb ai dayār-e-bād-e-junūb
tujhe sukūn to hai gul bikher kar mere

zer-e-lab un ke tabassum se sukūn maañg to luuñ
apnī hī jur.at-e-nākām se Dar lagtā hai