Tags-Sukoon

muḳhtasar ye hai hamārī dāstān-e-zindagī
ik sukūn-e-dil kī ḳhātir umr bhar taḌpā kiye

kaisī zamīñ sukūn kahāñ kā kahāñ kī chhāñv
mujh ko nigal ga.ī mire naḳhl-e-amāñ kī chhāñv

jahāñ na dil ko sukūn hai na hai qarār mujhe
ye kis maqām pe le aa.ī yād-e-yār mujhe

sukūn dil ko mayassar thā us kī qurbat se
ham ahl-e-hind kī azmat hai us kī nisbat se

guloñ se pyaar anādil se us kā yārāna
sukūn-o-amn kā markaz thā us kā kāshāna

jab vaj.h-e-sukūn-e-jāñ Thahar jaa.e
phir kaise dil-e-tapāñ Thahar jaa.e

tirī taḌap se na taḌpā thā merā dil lekin
tire sukūn se bechain ho gayā huuñ maiñ

tirī taḌap se na taḌpā thā merā dil lekin
tire sukūn se bechain ho gayā huuñ maiñ

ḳhudī kī pāsdārī meñ sukūn-e-jāñ gañvā baiThe
bayābāñ meñ bhaTakte haiñ chaman se duur haiñ saaqī

'nadīm' har qadam pe dard-e-be-amāñ kā dar khulā
sukūn is jahān-e-be-misāl meñ nahīñ milā

ḳhudā pe chhoḌ ke ai 'mauj' kashtī-e-ulfat
sukūn pā ga.e fikr-e-ma.āl se bhī ga.e

jab maiñ tumheñ nashāt-e-mohabbat na de sakā
ġham meñ kabhī sukūn-e-rifāqat na de sakā

zarā sukūn bhī sahrā ke pyaar ne na diyā
musāfiroñ ko havā ne pukārne na diyā

uchhāl detā hai patthar vo Thahre paanī meñ
maiñ pur-sukūn jo mahsūs hone lagtā huuñ

sukūn-e-dil ke liye aur qarār-e-jāñ ke liye
tumhārā naam hai kaafī mirī zabāñ ke liye

tumhārī nazroñ kā hai muqaddar ye jhiil kā pur-sukūn paanī
ham apnī āñkhoñ ke canvas par hazār maujeñ ubhārte haiñ

farāham jis qadar ishrat ke sāmāñ hote jaate haiñ
sukūn-e-rūh se mahrūm insāñ hote jaate haiñ

fasl-e-gul meñ be-tahāshā hañsne vaalo hoshiyār
iztirāb-e-dil kā pahlū bhī sukūn-e-dil meñ hai

mahdūd haiñ duā.eñ mire iḳhtiyār meñ
har saañs pur-sukūn ho tū sau baras jiye

jise kasād samajhte haiñ tājirān-e-farañg
vo shai mata-e-hunar ke sivā kuchh aur nahīñ