Tags-Sukoon

dil ko sukūn ruuh ko ārām aa gayā
maut aa ga.ī ki dost kā paiġhām aa gayā

jis kā aniis terā ġham jis kī rafīq terī yaad
us ko milā sukūn-e-dil bazm-e-taġhayyurāt meñ

bahut qarīne kī zindagī thī ajab qayāmat meñ aa basā huuñ
sukūn kī sub.h chāhtā thā so shām-e-vahshat meñ aa basā huuñ

sukūn-e-qalb mayassar ho ḳhvāb puure hoñ
kabhī to aa.e dil-e-be-qarār kā mausam

sukūn-e-nā-āshnā log ye aapas meñ judā log
bahut kuchh dekhtā huuñ sar-e-rāhe khaḌā maiñ

sukūn phir bhī to vahshat-sarā-e-dil meñ nahīñ hai
nigāh-e-yār agarche sharīk-e-hāl huī hai

tumhārī yaad tumhārā ḳhayāl kaafī hai
sukūn-e-dil ke liye aur sab izāfī hai

sukūn maut hī anjām-e-iztirāb-e-firāq
jise qarār na aa.e vo be-qarār nahīñ

baġhair markaz-e-ummīd-o-be-sukūn-e-darūñ
maiñ ik ḳhalā huuñ jo sābit bane na sayyārā

sukūn o ḳhvāb zindagī kī raah meñ kahāñ 'nushūr'
hayāt ko musāfirat kī raat kahte aa.e haiñ

āḳhir taḌap taḌap ke ye ḳhāmosh ho gayā
dil ko sukūn mil hī gayā iztirāb meñ

guzishta ahl-e-safar ko jahāñ sukūn milā
na jaane kyuuñ hameñ un manziloñ pe ḳhuun milā

ḳharāb vaqt hai ab fāsla hī behtar hai
kabhī mileñge jo māhaul pur-sukūn milā

thakan ko jaam kareñ aarzū ko baada kareñ
sukūn-e-dil ke liye dard kā i.aada kareñ

kabhī hai dard kā chehra kabhī sukūn-e-nazar
ye ehtimām to paiham rahā hai āñkhoñ meñ

jis se mirā sukūn bhī dekhā nahīñ gayā
da.avā vo kar rahā hai tirā ġham-shanās huuñ

bas ek kunj-e-ḳhas-o-ḳhāk meñ sukūn milā
so maiñ ne halqa-e-sayyārgāñ ko chhoḌ diyā

kaho kis tarah hoñ qaa.il sukūn-e-qalb-e-muztar ke
zarā jumbish huī paidā hue āsār mahshar ke

ye sīm-o-zar ye harīr-o-atlas ye jāh-o-hashmat ye auj-o-sarvat
sukūn-e-dil hī na de sakeñ jo vo rāhateñ kyā shumār karnā

baḌe sukūn se dekhā hai jalte lamhoñ ko
hamārī aañkh meñ varna dhuāñ kahāñ na paḌā