Tags-Travel

mire giroh kā rishta hai us qabīle se
jo zindagī kā safar pā-piyāda karte rahe

ham un ke naqsh-e-qadam hī ko jaada karte rahe
jo gumrahī ke safar kā i.aada karte rahe

anjām-e-kārvāñ thā isī baat se ayaañ
manzil thī jin kī aur bane ham-safar vo log

mujhe batā kar
ki merī samt-e-safar kahāñ hai

ham-safar mere aqīdat se qadam chhūne lage
mujh ko dekhā jo kabhī jubba-o-dastār ke paas

ka.ī paḌāv the manzil kī raah meñ 'tābish'
mire nasīb meñ lekin safar kuchh aur se the

ik safar meñ koī do baar nahīñ luT saktā
ab dobāra tirī chāhat nahīñ kī jā saktī

pata nahīñ ki kahāñ rah-zanoñ kī ho yalġhār
koī difā.a bhī raḳht-e-safar meñ rakkhā jaa.e

kyuuñ āñhkeñ ummīdoñ kī mehmān rahīñ
shāyad koī ḳhvāb safar kī oT meñ thā

ab ke lambā bahut safar in kā
in parindoñ ke par katar jaa.eñ

safar hogā safar kī manzileñ mādūm hoñgī
makāñ baaqī na hogā lā-makāñ baaqī rahegā

jo kahīñ bhī Thahar jaa.e so aur hai
ai shajar hai musalsal safar zindagī

rah-e-ishq meñ ġham-e-zindagī kī bhī zindagī safarī rahī
kabhī nazr-e-ḳhāk-e-safar rahī kabhī motiyoñ se bharī rahī

nigah ke saath kahāñ tak safar kiyā jaa.e
thakan se chuur mirā band band honā thā

kisī ke dīda-e-tar ko nazar meñ rakhte haiñ
safar meñ ḳhud ko magar dil ko ghar meñ rakhte haiñ

rah-e-junūñ meñ chalā yuuñ maiñ umr-bhar tanhā
ki jaise koī bagūlā kare safar tanhā

tire va.ade kā saaya ho to sahrā ke safar meñ bhī
jhulastī lau havā-e-shabnamī mahsūs hotī hai

saañp sā leTā huā sunsān rasta sāmne thā
ḳhatra āġhāz-e-safar meñ ek aisā sāmne thā

fazā ki phir āsmān bhar thī
ḳhushī safar kī uḌaan bhar thī

shauq-e-safar be-sabab aur safar be-talab
us kī taraf chal diye jis ne pukārā na thā