Tags-Wafa

mujhe vafā kī talab hai magar har ik se nahīñ
koī mile magar us yār-e-bevafā kī tarah

hamāre vāste marnā to koī baat nahīñ
magar tumheñ na milegā koī vafā ke liye

ye roz hashr kā aur shikva-e-vafā ke liye
ḳhudā ke sāmne to chup raho ḳhudā ke liye

'qamar' nahīñ hai vafādār ḳhair yūñhī sahī
huzūr aur koī DhūñDh leñ vafā ke liye

mujhe miTā to rahe ho ma.aal bhī socho
ḳhatā muaaf taras jāoge vafā ke liye

ġham na kar tū hai agar ḳhū-e-ḳharābī kā asiir
maiñ bhī ālām se paimān-e-vafā rakhtā huuñ

rakh diyā un ko bhī jholī meñ sitamgāroñ kī
maiñ ne jin hāthoñ se buniyād-e-vafā rakkhī thī

izzat-e-nafs kā hai ye taqāzā husn-e-sulūk kareñ donoñ
us ko ham labbaik kaheñge rasm-e-vafā nibhā.e to

na kar ḳhayāl-e-talāfī ki merā zaḳhm-e-vafā
vo zaḳhm hai jise achchhā na kar sake tū bhī

ḳhudā vo din na dikhā.e tujhe ki merī tarah
mirī vafā pe bharosā na kar sake tū bhī

apne har jabr ko vo mehr-o-vafā kahte haiñ
ham bhī kuchh naam na deñ us ko mohabbat ke sivā

chalo yuuñ hī sahī ham bevafā haiñ
magar ai bevafā tujh se zarā kam

ināyat kam mohabbat kam vafā kam
milā sab kuchh hameñ lekin milā kam

jafā hī jab tirī pahchān Thahrī
vafā meñ mujh ko lazzat kis liye hai

koī aur bhī morid-e-lutf huā milī ahl-e-havas ko havas kī sazā
tire shahr meñ the hamīñ ahl-e-vafā milī ek hamīñ ko jalā-vatanī

abhī kal hī kī baat hai jān-e-jahāñ yahāñ fiil ke fiil the shor-kunāñ
ab nāra-e-ishq na zarb-e-fuġhāñ ga.e kaun nagar vo vafā ke dhanī

mahāz-e-jañg-e-vafā pe shikast-e-ishq ke ba.ad
paḌā hai dasht meñ ab tak vo pā.emāl badan

vo kareñge vasl kā va.ada vafā
rañg gahre haiñ hamārī shaam ke

kī vafā ham se to ġhair is ko jafā kahte haiñ
hotī aa.ī hai ki achchhoñ ko burā kahte haiñ

rañg taqdīr kā badal jaa.e
jab vafā mehrbān hotī hai