Tags-Wafa

ab maiñ huuñ aur vo zulf hai yārān-e-be-vafā
dām-e-balā meñ mujh ko phañsā kar chale ga.e

dekh paglī na dal lagā mire saath
itnī achchhī nahīñ vafā mire saath

ai dil ye hai ḳhilāf-e-rasm-e-vafā-parastī
tauba butoñ ke aage zikr-e-ḳhudā-parastī

maiñ moḌūñ na muñh us kī jafā se pa karūñ kyā
is vaqt vafā phir jo kifāyat na kare tū

ab tumhāre liye ḳhud apnā tamāshā.ī huuñ
dosto dād-e-vafā kyuuñ nahīñ dete mujh ko

yuuñ to mutma.in huuñ maiñ be-vafā tumheñ phir bhī
sochtī huuñ ye aksar tum lahū lahū lahū kyuuñ ho

log kyā saada haiñ ummīd-e-vafā rakhte haiñ
jaise ma.alūm nahīñ un ko haqīqat terī

hai ab kahāñ vo vafā aur vo vafā-keshī
vo aur vaqt thā ham dekh kū-ba-kū aa.e

kiyā hai fat.h koī lamha-e-vafā jab se
mirī giraft meñ imroz bhī hai fardā bhī

vafā kā naam to pīchhe liyā hai
kahā thā tum ne is se peshtar kyā

aaj tak us ne to va.ada koī iifā na kiyā
jaane kyā soch ke phir shart-e-vafā bhī badlī

merī mahbūb ye hañgāma-e-tajdīd-e-vafā
merī afsurda javānī ke liye raas nahīñ

dil us be-vafā ko jo dete ho 'akbar'
to kuchh soch lo pahle anjām dil kā

is husn-e-ittifāq pe luT kar bhī shaad huuñ
terī razā jo thī vo taqāzā vafā kā thā

'nūh' ye bāteñ miT jā.eñgī tere mere miT jaane se
chāhne vaalā ishq-o-vafā kā maiñ hī maiñ huuñ tū hī tū hai

zulm se rakkhe kaam hamesha da.ave kartā jaa.e vafā kā
kaun zamāne meñ hai aisā maiñ hī maiñ huuñ tū hī tū hai

aane vaalī nasloñ ko ye detī raheñgī dars-e-vafā
na.e musavvir tasvīroñ meñ merā lahū muzāf kareñ

laakh afkār-o-havādis mujhe rauñdeñ baḌh kar
jo vafā mujh ko milī hai kabhī marne se rahī

jab mujhe ranj-e-dil-āzārī na ho
bevafā phir hāsil-e-bedād kyā

dil ho gayā hai ḳhūgar-e-bedād ishq meñ
un kī vafā bhī raas na aa.e to kyā karūñ