Tags-Wafa

coffē thā mujh ko rāh-e-vafā meñ ḳhayāl-e-yār
'tābish' balā se koī mirā ham-safar na thā

kabhī koī vaada vafā na kar yūñhī roz roz bahāna kar
tū fareb de ke chalā gayā tirā e'tibār nahīñ gayā

hamāre kaan lafz-e-bevafā sun hī nahīñ sakte
ye ḳhil.at to udū ke vāste sarkār rahne deñ

mire dam tak vafā o ishq bhī duniyā meñ baaqī haiñ
masīhā.ī yahī hai vo mujhe bīmār rahne deñ

tum ne ḳhushbū se kabhī ahd-e-vafā bāñdhā hai
raushnī ko kabhī bistar meñ liTā kar dekho

nazroñ meñ na be-mehrī kī adā bātoñ meñ na vo ḳhushbu-e-vafā
kitne hī diloñ ko toḌ ga.ī zālim kī jabīñ kī be-shikanī

vafā kā ahd kyā bāñdhūñ abhī ai dast-e-ḳhushbū
abhī bādal hinā-pā hai abhī sūraj javāñ hai

naqsh-e-vafā to maiñ hī thā ab mujhe DhūñDte ho kyā
harf-e-ġhalat nazar paḌā tum ne mujhe miTā diyā

apnā dil pesh karūñ apnī vafā pesh karūñ
kuchh samajh meñ nahīñ aatā tujhe kyā pesh karūñ

jo be-vafā the vahī log pā ga.e e.azāz
mirī vafāoñ kā ab tak kahīñ shumār nahīñ

vo vafā thī yā jafā achchhī lagī
ham ko terī har adā achchhī lagī

badal rahā hai musalsal mizāj duniyā kā
ye bevafā thī magar aisī be-hayā bhī na thī

darḳhur-e-sajda hai abhī aur abhī nañg-e-zindagī
ishq-e-vafā-sarisht ko ḳhuub rulā rahe ho tum

pattharoñ se kab talak bāñdhegī ummīd-e-vafā
zindagī dekhegī kab tak jāgtī āñkhoñ se ḳhvāb

kaam apnā kar chuke ahl-e-vafā shak hai to ho
sar nahīñ baaqī shahīdoñ ke qasam khā.eñge kyā

rakh liyā āshiqoñ ne nām-e-vafā
ga.ī jaañ par na jaane paa.ī baat

mujhī pe vaar kiyā aur mujhī ko bhuul ga.e
mirī vafā kā ye achchhā sila diyā tum ne

ik rasm-e-bevafā.ī thī vo bhī huī tamām
vo yār-e-bevafā mujhe kitnā aziiz thā

moallimoñ ko vo dete the daras mehr-o-vafā
vo chāhte the madrasoñ meñ ḳhush-gavār fazā

vo dil jo ḳhaak hue aaj tak dhaḌakte haiñ
rah-e-vafā tire mojiz-raqam ko pahchāne