Tags-Wahm

is vahm se ki niiñd meñ aa.e na kuchh ḳhalal
ahbāb zer-e-ḳhāk sulā kar chale ga.e

tū sirf merī hai us kā ġhurūr hai mujh ko
agar ye vahm merā hai to koī baat nahīñ

jo kahīñ thā hī nahīñ us ko kahīñ DhūñDhnā thā
ham ko ik vahm ke jañgal meñ yaqīñ DhūñDhnā thā

mū ko abas hai taab kalī yuuñ hī tañg hai
us kā dahan hai vahm-o-gumān-o-kamar ḳhayāl

vo siyāh-baḳht jo raat ko tire dām-e-zulf meñ phañs gayā
use aa ke vahm-o-ḳhayāl ke lage Dasne saikḌoñ naag se

bad-gumāñ ye huuñ ki saath uTh ke chalā jaatā huuñ
vahm gar kūcha-e-jānāñ kī taraf jaatā hai

vasl-o-firāq vahm sahī dil-lagī to hai
phir ham kahāñ jo parda-e-rāz-e-nihāñ uThā

jo na vahm-o-gumān meñ aave
kis tarah tere dhyān meñ aave

chhoḌ kar bār-e-sadā vo be-sadā ho jā.egā
vahm thā merā ki patthar ā.īna ho jā.egā

zindagī silsila-e-vahm-o-gumāñ hai yaaro
dil-e-betāb ko taskīn kahāñ hai yaaro

al-haq ki nahīñ hai ġhair hargiz maujūd
jab tak ki hai vahm ġhair haq hai mafqūd

ummīd TūTne lagtī hai jab bhī koī 'salīm'
to ik yaqīñ pas-e-vahm-o-gumāñ bulātā hai

mujhe nahīñ hai koī vahm apne baare meñ
bharo na had se ziyāda havā ġhubāre meñ

unheñ gumāñ ki mujhe un se rabt hai 'sālim'
mujhe ye vahm unheñ iltifāt hai shāyad

falsafoñ ke dhāgoñ se khīñch kar sirā dil kā
vahm se haqīqat tak ham ne silsila paayā

yak-tā.i-e-jamāl kī hairat na pūchhiye
har mā-sivā ke vahm se be-zār kar ga.e

ai shauq burā is vahm kā ho maktūb tamām apnā na huā
vaañ chehre pe un ke ḳhat niklā yaañ bhūle hue alqāb haiñ ham

vahm ke is jañgal se bāhar jaane ko
kabhī kabhī ek raah nazar to aatī hai

kabhī to rishtoñ ko ḳhuun ke bhī fareb-e-vahm-o-gumān samjhā
kabhī vo narġhe meñ dushmanoñ ke hujūm-e-ahbāb dekhtā hai

tañg-zarfī hai mire vahm kā Thahrā paanī
Thahre paanī pe jamī kaa.ī hai ḳhud-rā.ī kī