Tags-Yaad

lab tak nahīñ aa.egā tire naam bhī merā
par dil meñ lagātār mirī yaad rahegī

ik dasht-e-junūñ se dil-e-vahshī ko nikālā
'rahbar' ye tirī rāhbarī yaad rahegī

kaifiyat-e-bahār jo yaad aa.ī zer-e-ḳhāk
dāġh-e-junūñ se apnī tabī.at bahal ga.ī

zindagī yād-e-dost hai yaanī
zindagī hai to ġham meñ guzregī

ab karam kā ye mā-hasal hai ki umr
yād-e-ahd-e-sitam meñ guzregī

bojh zarā kam ho jā.egā
yaad meñ un kī ro lo bhayyā

jab tire juuḌe kā gajrā yaad aa.egā mujhe
rāt-kī-rānī ke phūloñ se mahak uThegī raat

Dhalegī shaam jahāñ kuchh nazar na aa.egā
phir is ke ba.ad bahut yaad ghar kī aa.egī

ujāle Duube hue haiñ ghane añdheroñ meñ
ajab safar hai bahut yaad aa rahe haiñ charāġh

dekhā jo shab-e-hijr to royā maiñ ki us vaqt
yaad aayā shab-e-vasl ke auqāt kā aalam

kisī kī yaad meñ be-shubah be-qarār hai tū
ki aaj hai tirī shoḳhī meñ iztirāb milā

tum hamāre the tumheñ yaad nahīñ hai shāyad
din guzarte haiñ baraste hue paanī kī tarah

aaj jo log tire ġham pe hañse haiñ 'vālī'
kal tujhe yaad kareñge vahī 'fānī' kī tarah

tez havā.eñ yaad dilāne aa.ī haiñ
naam tirā phir ret pe likh kar dekhā jaa.e

tum se bichhḌe sadiyāñ bītīñ
lekin dil meñ yaad tumhārī

nā-murādāna ziist kartā thā
'mīr' kā taur yaad hai ham ko

ḳhatm ho jā.egī jab jashn-e-mulāqāt kī raat
yaad bujhte hue ḳhvāboñ kā nagar aa.egā

pahle to mohabbat rafta rafta hosh-o-ḳhirad ko khotī hai
phir yaad kisī kī aa aa kar kāñTe se dil meñ chubhotī hai

tum apne Thor-Thikānoñ ko yaad rakkho 'sāz'
hamārā kyā hai ki ham to kahīñ bhī rahte haiñ

tham chukī thī jab ki har halchal tirī yaad aa.ī phir
zindagī kī sat.h par ik bulbulā bantī huī