Tags-Yaad

usī ne yaad dilā.ī hai aaj gautam kī
rishī lagā hai ye sūkhā huā shajar mujh ko

tū sar-tā-pā zabānī yaad ho jā.egī mujh ko
ki ab maiñ ne tujhe itnā ziyāda dekhnā hai

tarannum-ḳhez jamunā ke kināre
kisī kī yaad paiham aa rahī hai

Thikāna yād-e-māzī kā agar hai to mirā dil hai
kahāñ par jā.eñgī 'sartāj' vo dil se judā ho kar

larazte hoñToñ kī vo guftugū to yaad nahīñ
bas itnā yaad hai barsoñ lab-o-dahan mahke

dhundlī sī ek yaad kisī qabr kā diyā
aur mere ās-pās chamaktā huā sā kuchh

kisī ko yaad karne ke nahīñ maḳhsūs kuchh lamhe
koī jab yaad aa jaa.e to phir vo yaad aatā hai

dil meñ tumhārī yaad bhī hai jaan lījiye
tīr-e-nigah lagā.iegā dekh-bhāl ke

ab jo vo banvā.eñ gahnā yaad rakhnā gul-farosh
phuul bach jaa.eñ to merī qabr kī chādar bane

ba.ad ārā.ish balā.eñ kaun legā mere ba.ad
yaad karnā mujh ko jab zulf-e-parī-paikar bane

dil mushabbak ho gayā tīr-e-nigāh-ḳhāna se
ab tumhārī yaad ke aane ko lākhoñ ghar bane

hai yaad par madār mere kārobār kā
hai arz aap mujh ko bahut yaad aa.iye

isī sūrat se taskīn-e-dil-e-nāshād karte haiñ
abhī tak yaad aate ho abhī tak yaad karte haiñ

tabāhī par hamārī shikva-e-sayyād karte haiñ
chaman meñ haiñ kuchh aise bhī jo ham ko yaad karte haiñ

tarannum-ḳhez jamunā ke kināre
kisī kī yaad paiham aa rahī hai

ashkoñ se tar huī thī yuuñ raat sej un kī
yaad aa gayā thā koī hañgām-e-ḳhvāb shāyad

na ḳhush visāl meñ ho rakh tū yād-e-hijr 'nasīr'
magar tū gardish-e-ayyām se nahīñ vāqif

ghar se niklūñ to bhare shahr ke hañgāme haiñ
maiñ vo majbūr tirī yaad meñ ro bhī na sakūñ

ik yād-e-yār hī to pas-andāz hai 'hasan'
varna vo kār-e-ishq to kab kā tamām-shud

ik shart hai yaañ ḳhushbu-e-vafā yaad aa.e to karnā yaad zarā
jab tum pe bharosā thā gul kā kyā mahke kyā mahkā.e ga.e