Tags-Yaad

ye nahīñ pahle tirī yaad se nisbat kam thī
mājrā ye thā ki ehsās meñ shiddat kam thī

aaj sab meñ ghul-mil jā.ūñ mujh ko kyā ḳhabar kal tak
kis ko yaad aa.uuñ maiñ kis ko bhuul jā.ūñ maiñ

jise dekhā nahīñ rotā huuñ us kī yaad meñ shab-bhar
jise paayā nahīñ us ko gañvā kar dekh letā huuñ

aur kuchh yaad nahīñ ab se na tab se pūchho
merī āñkhoñ se lahū bahtā hai kab se pūchho

yaad hai qissa-e-ġham kā mujhe har lafz abhī
haal jis dard kā jis rañj kā jab se pūchho

vo din bhī yaad haiñ ham ko tumhāre hijrāñ meñ
hamāre beach meñ jab rābta banā kāġhaz

sūrat to bhuul baiThā huuñ āvāz yaad hai
ik umr aur zehn girānī meñ aa.egā

ai vatan sub.h-e-vatan shām-e-vatan ahl-e-vatan
yaad aatī hai tumhārī dasht-e-ġhurbat dekh kar

qafas ke uns ne is darja kar diyā majbūr
ki us kī yaad meñ ham āshiyāñ se lauT aa.e

aap kā dost hai ye apnī baġhal kā dushman
yaad dilvā.e vahīñ dil ne jo ham bhuul ga.e

zā.iqa maut kā bas yaad dilā detā hai
kyā qayāmat hai ye kahnā tirā ham bhuul ga.e

mirzā mahr-e-mohabbat tumheñ phir yaad aa.ī
dil pe guzrī thī jo kuchh rañj-o-alam bhuul ga.e

rah gayā yaad tumheñ jaur-o-jafā zulm-o-sitam
lutf-o-altāf-o-ināyāt-o-karam bhuul ga.e

ka.aba-e-dil meñ bas ab rahtī hai allāh kī yaad
rāsta dair kā ham shakl-e-sanam bhuul ga.e

yaad rahtī hai faqat ham ko tire kūcha kī
vā.izoñ se sunā hāl-e-iram bhuul ga.e

yaad rakhne kī ye bāteñ haiñ bajā hai sach hai
aap bhūle na hameñ aap ko ham bhuul ga.e

dil se dil ko hai agar raah to hai yaad se yaad
tum hameñ bhuul ga.e tum ko bhī ham bhuul ga.e

kūcha-e-zulf meñ yā halqa-e-gesū meñ tire
yaad aatā hai yahīñ dil kahīñ ham bhuul ga.e

sūjhtā kuchh nahīñ us vaqt miyāñ apne ta.iiñ
yaad jis vaqt tirī mū kamar aa jaatī hai

tumhāre ḳhayāloñ kī añgnā.iyoñ meñ mirī yaad ke phuul mahke to hoñge
kabhī apnī āñkhoñ ke kājal se tum ne mirā naam likh kar miTāyā to hogā