Tags-Yaad

mar gayā vo pa yaad aatā hai
us kā kahnā ki aah kyā kiije

jo dard dil meñ uThā un kī yaad khich aa.ī
dikhātī hai asar-e-jazb-e-kahrubā.ī choT

jab vo lab-e-nāzuk se kuchh irshād kareñge
ham ai dil-e-marhūm tujhe yaad kareñge

ye mez ye kursī ye kitābeñ ye khulā-pan
chup chup se kisī shaḳhs ko sab yaad kareñge

maiñ kahāñ niklūñgā maazī ko sadā.eñ dene
maiñ ki ab yaad nahīñ naam bhī merā mujh ko

pyaar bharī muskān tumhārī
yaad hameñ jab aatī hai

āñkhoñ ne us ko dekhā nahīñ is ke bāvajūd
dil us kī yaad se kabhī ġhāfil nahīñ rahā

yād-e-ḳhāl-e-ruḳh-e-jānāñ kī madad se nāseh
shab furqat ke sitāroñ se laḌī merī aañkh

vo lamha yaad karo jab tum is qalb-sarā meñ aa.e the
us roz se apnā haal hai ye kabhī hañstā huuñ kabhī rotā huuñ

bustān-e-vafā dahr meñ ābād hai ham se
din-rāt zamāne ko ḳhudā yaad hai ham se

baḌhne lagī hai dil kī tamannā-e-āshiqī
yuuñ aa ke terī yaad ne bekal kiyā mujhe

ho ga.e din jinheñ bhulā.e hue
aaj kal haiñ vo yaad aa.e hue

chamak rahe the andhere meñ soch ke jugnū
maiñ apnī yaad ke ḳheme meñ so nahīñ paayā

barsoñ meñ tujhe dekhā to ehsās huā hai
har zaḳhm tirī yaad kā andar se harā hai

vafā kī raah ko is taur se kiyā raushan
ki yaad aa.egī duniyā ko āshiqī merī

yuuñ jagmagā uThā hai tirī yaad se vajūd
jaise lahū se koī sitāra guzar gayā

yaad aa.e haiñ ahd-e-junūñ ke kho.e hue dildār bahut
un se duur basā.ī bastī jin se hameñ thā pyaar bahut

mahv hotā hī nahīñ is kā kabhī dil se ḳhayāl
yaad kartā hī nahīñ mushfiq-e-man bhuul gayā

bas darīche se lage baiThe rahe ahl-e-safar
sabza jaltā rahā aur yād-e-vatan aatī rahī

kitnī hī baar kiyā ham ne to zamzam se vazū
kitnī hī baar tirī yaad meñ aañsū chhalke