Tags-Yaad

jise bhulā.e zamāna guzar chukā thā 'sabā'
usī kī yaad baḌe valvale se aa.ī hai

dil meñ kahīñ bujhte hue armānoñ kā nauha
āñkhoñ meñ kisī yaad kī tasvīr kā mātam

dil se lagā ke yaad ko aajiz huā huuñ maiñ
ab terī yaad meñ vahī rāhat nahīñ rahī

sab ke sab yaad chale aate haiñ
aaj kis kis ko duā dī jaa.e

saaz vo qatre qatre meñ soz vo zarre zarre meñ
yaad tirī kise na thī dard tirā kahāñ na thā

andāz-e-nāla yaad haiñ sab mujh ko par 'asad'
jis dil pe naaz thā mujhe vo dil nahīñ rahā

kaun suntā hai bhikārī kī sadā.eñ is liye
kuchh zarīfāna latīfe yaad kar lete haiñ ham

kisī kī khoī huī yaad ke ishāre par
maiñ rañg DhūñDne niklā huuñ us sitāre par

ye tamannā hai ki uḌtī huī manzil kā ġhubār
sub.h ke parde meñ yaad aa ga.ī shaam āhista

ab yaad kabhī aa.e to ā.īne se pūchho
'mahbūb-ḳhizāñ' shaam ko ghar kyuuñ nahīñ jaate

merī hī tarah aap kabhī merī yaad meñ
hoñ mubtalā-e-soz-e-nihānī tamām raat

maiñ aap ke huzūr na hūñgā to dil mirā
hogā barā.e yād-dahānī tamām raat

na bhūlegā hamārī dāstāñ tū bhī qayāmat tak
dilā.eñge hamārī yaad tere rahguzar tujh ko

terī sūrat nigāhoñ meñ phirtī rahe ishq terā satā.e to maiñ kyā karūñ
koī itnā to aa kar batā de mujhe jab tirī yaad aa.e to maiñ kyā karūñ

yaad hai mujh ko vo be-fikrī o āġhāz-e-shabāb
suḳhan-ārā.ī bhī thī anjuman-ārā.ī bhī

mujhe is apnī ḳhizāñ meñ jo chiiz yaad hai vo har ek rāste
maiñ an-ginat putliyoñ kī gardish kā karb jaise

kabhī jo yaad mujhe aa gayā mirā bachpan
to aañkh nam huī bazm-e-tarab meñ rahte hue

gah is fasīl-e-yād kī qindīl par nigāh
gah asp-e-harf-o-ḳhvāb kī raftār dekhnā

yaad kī ghaas to giilī hai bahut
ab dhuāñ dil pe pasar jaanā hai