Tags-Yaad

ye sher jis kī zamīñ ko bhī mujh se shikve haiñ
rahegā yaad purānī mohabbatoñ kī tarah

lahū rulātī hai be-vaqt tañg kartī hai
hai us kī yaad bhī be-rut kī bārishoñ kī tarah

duā.eñ yaad karā dī ga.ī thiiñ bachpan meñ
so zaḳhm khāte rahe aur duā diye ga.e ham

us ne ahbāb se pūchhā hai mire ghar kā pata
yaad aayā use paimān-e-vafā mere ba.ad

na jaane kis kī yaad ne lī dil meñ gudgudī
aa.ina dekh dekh ke sharmā rahe haiñ ham

vallāh hameñ ishq kī sab bhuul huī chaal
kāfir tirī raftār ne phir yaad dilā.ī

na yaad aayā na bhūlā vo sāneha mujh ko
banā gayā jo ik aisā mujassama mujh ko

ek aayā gayā dūsrā aa.egā der se dekhtā huuñ yūñhī raat us kī guzar jā.egī
maiñ khaḌā huuñ yahāñ kis liye mujh ko kyā kaam hai yaad aatā nahīñ yaad bhī TimTimātā

ab use yaad kyā dilā.eñ ham
kar ke va.ada mukar gayā hogā

ye tajraba bhī karūñ ye bhī ġham uThā.ūñ maiñ
ki ḳhud ko yaad rakhūñ us ko bhuul jā.ūñ maiñ

kabhī to ho mire ehsās-e-kam-tarī meñ kamī
kabhī to ho ki use khul ke yaad aa.uuñ maiñ

ba.ad muddat ke tirī yaad ke bādal barse
vo bhī aise ki ka.ī roz musalsal barse

kitnī rañgīniyoñ meñ terī yaad
kis qadar sādgī se aa.ī hai

kabhī yād-e-ḳhudā kabhī ishq-e-butāñ yūñhī saarī umr gañvā baiThā
ab āḳhir-e-umr meñ aa ke khulā na thī ye sachchī na thā vo sachchā

ḳhabar detī hai yaad kartā hai koī
jo bāñdhā hai hichkī ne taar aate aate

kyuuñ javānī kī mujhe yaad aa.ī
maiñ ne ik ḳhvāb sā dekhā kyā thā

chhaT jaatī hai ālām-e-zamāna kī siyāhī
jab daur tirī yaad kā chaltā hai sar-e-shām

ye hausla jo abhī bāl-o-par meñ rakkhā hai
tumhārī yaad kā jugnū safar meñ rakkhā hai

yaad aate haiñ mujhe 'mīr' ke ash.ār 'zafar'
jab tabī.at mirī ranjīda sī ho jaatī hai

hāñ!! sāñpoñ se yaad aayā
aaj sāñpoñ se visāl kī raat hai