Tags-Yaad

fareb-e-husn se gabr-o-musalmāñ kā chalan bigḌā
ḳhudā kī yaad bhūlā shaiḳh but se barhaman bigḌā

yaad terī jo kabhī aatī hai bahlāne ko
aur dīvāna banā jaatī hai dīvāne ko

na yaad aa.e koī aur na de koī āvāz
nikal ke yādoñ kī bastī se aa gayā huuñ maiñ

phir aaj sahme hue lamhe yaad aane lage
hisār-e-dard meñ 'ḳhurshīd' ghir gayā huuñ maiñ

tum kaun se 'hāfiz' o 'ġhālib' ho tum 'mīr' 'kabīr' kahāñ ke ho
tumheñ pahlā sabaq bhī yaad nahīñ aur fankārī dikhlāne lage

yaad meñ phuul se gāloñ ke sambhālā dil ko
kabhī nasrīñ to kabhī us ko saman dikhlāyā

ishq kī chāndnī rāteñ mujhe yaad aatī haiñ
umr-e-rafta ko mirī mujh se milā de aa kar

ḳham-e-abru kī yaad siiñ dil par
zaḳhm-e-nāḳhun hilāl hotā hai

muflisī ke vaqt akasr ishrat-e-rafta kī yaad
yuuñ dikhātī hai jhalak ā.īna-e-idrāk par

chale bhī aao 'anvar' zindagī kī āḳhirī shab hai
tumhārī yaad hai aur hasrat-e-dil-gīr ubhrī hai

yaad kar ke ḳhayāl gul-rū kā
dasht-e-dil meñ bahār-e-gulshan kar

misr-e-lutf-o-karam meñ bhī ai 'jaun'
yād-e-kan.āñ hai kyā kiyā jaa.e

yaad aa.ī bahut ham ko TuuTī huī tauba bhī
dekhā jo kahīñ ham ne TuuTā huā paimāna

manzil-e-zīst ham se sar na huī
yād-e-gesū-e-yār meñ guzrī

na to yaad huuñ koī pur-kashish na hī ḳhvāb huuñ koī ḳhushnumā
dil-e-shād ko jo kare dukhī vo ḳhayāl huuñ maiñ dimāġh kā

kabhī to bhuul ga.e pī ke naam tak un kā
kabhī vo yaad jo aa.e to phir piyā na gayā

kisī kī yaad kī ThanDī havā.eñ aaj bhī haiñ par
kareñ dil ko gul-o-gulzār aisā kyuuñ nahīñ hotā

dast-bar-dil ho uThātā huuñ ajab lazzat-e-dard
yaad kar hijr meñ vo haath baḌhāne kā mazā

yaad aatā hai to jaatā huuñ ḳhudā jaane kahāñ
vo lagāvaT kī nigāhoñ meñ bulāne kā mazā

oḌh ke phirtī thī jo 'naināñ' saarī raat
is resham kī shaal pe yaad ke buuTe the