Tags-Yaad

jaane vaale tujh ko itnā yaad rahe
ham ne terā haath pakaḌ kar dekhā hai

kaisī vafā sitam se bhī us ne uThā.e haath
rah rah ke yaad ab aatī hai tarz-e-jafā-e-dost

kī hai tadfīn armānoñ kī dil ke apne madfan meñ
bhulāne do ġham-e-dil roz kyuuñ tum yaad aate ho

nahīñ hai yaad ki vo yaad kab nahīñ aayā
use bhulā ke maiñ jī luuñ ye Dhab nahīñ aayā

bhulā chukā huuñ maiñ 'sā.im' hazār bātoñ ko
rahā hai yaad bas itnā vo jab nahīñ aayā

mujhe to yaad nahīñ hai vahāñ kī sab bāteñ
kisī kisī pe nazar kī thī dekhnā kyā thā

dast-e-māzī se joḌ apne baazū
yād-e-ayyām ke āġhosh meñ

sāñsoñ kī TuuTī sargam meñ ik mīThā svar yaad rahā
yuuñ to sab kuchh bhuul gayā maiñ par terā ghar yaad rahā

yuuñ bhī koī milnā hai jo milne kī ghaḌiyoñ meñ bhī
milne se pahle is zālim duniyā kā Dar yaad rahā

varna maiñ bhī jhuk hī jaatā zulm kī andhī chaukhaT par
achchhā rahā ki mujh ko apne shā.ir kā sar yaad rahā

hoñToñ se jo baat huī vo nīl-gagan tak jā pahuñchī
āñkhoñ ne jo likkhā dil par akhshar akhshar yaad rahā

jis ke kāran tyaag tapasyā aur tap ko vanvās milā
soch rahā huuñ ik raanī ko kyuuñ aisā var yaad rahā

jazbāt the be-qābū kartā bhī to kyā kartā
us rashk-e-gul-e-tar kī jab yaad mujhe aa.ī

duzdīda-nigāhī meñ kho jaatā thā dil jin kī
un jhiil sī āñkhoñ kī yaad aa.ī hai gahrā.ī

mahkī huī milo kisī chāhat kī yaad se
chāhat kā chāhe mere alāva bhī naam ho

mausam-e-yād kā koī jhoñkā, ab jo guzre tumhārī ḳhalvat se
soch lenā hamāre baare meñ, par hamārā malāl mat karnā

ghar se niklo ki hameñ ghar kī na kuchh yaad rahe
ghar meñ baiThe hue kahtī ho na ghar jaa.e koī

pahroñ jin kī jhiil meñ khoyā rahtā huuñ
un āñkhoñ kī yaad meñ Duubā rahtā huuñ

bhuul baiThe huuñ vo kahīñ ai dil
aaj kyuuñ itne yaad aa.e haiñ

yaad hai lazzat-e-āzār-e-mohabbat ab tak
dil ko miltā thā sukūñ mashq-e-sitam se aage