Tags-Yaad

phir yaad aa ga.ī hai tirī chashm-e-mai-farosh
mahfil meñ raqs-e-bāda-o-paimāna dekh kar

us kī yaad meñ saarī umr gañvā baiThā
merā kabhī ḳhayāl bhī jis ko aayā na

mujhe class meñ aksar ye qaul yaad aayā
vo kāmyāb moallim hai jo madārī hai

maiñ apnī bastī kī kachchī galiyoñ se ishq kartī huuñ yaad rakhnā
agar jo achchhā burā kahegā amīr-zāde se laḌ paḌuñgī

vatan ke log satāte the jab vatan meñ the
vatan kī yaad satātī hai jab vatan meñ nahīñ

yahāñ vasīla-e-rozī faqat hai yād-e-ḳhudā
ki hech-kāra haiñ koī hunar nahīñ aatā

ik tirī yaad gale aise paḌī hai ki 'najīb'
aaj kā kaam bhī ham kal pe uThā rakhte haiñ

ham ne to apne jism pe zaḳhmoñ ke ā.īne
har hādse kī yaad samajh ke sajā liye

be-niyāzāna maiñ apnī justujū meñ gum rahā
yaad un kī mere dil meñ aa ke sharmā.ī bahut

phir kisī bevafā kī yaad aa.ī
phir kisī ne liyā vafā kā naam

ghar kī har shai terī yaad dilātī hai
dhyān meñ chiḌiyā aa jaa.e chahkār ke saath

ham tumheñ bhuul kar bhī yaad kareñ
kis qadar sāhab-e-kamāl hue

maiñ aur kahāñ ḳhud-nagrī yaad hai tujh ko
jab tū ne mirā naam liyā maiñ ne kahā meñ

vahī din hai hamārī iid kā din
jo tirī yaad meñ guzartā hai

mulāqāteñ bhī hotī haiñ mulāqātoñ ke ba.ad aksar
vo mujh ko bhuul jaate haiñ maiñ un ko yaad kartā huuñ

ḳhudī kī ibtidā ye thī ki apne-āp meñ gum thā
ḳhudī kī intihā ye hai ḳhudā ko yaad kartā huuñ

butoñ ke ishq meñ khoyā gayā huuñ varna ai 'aḳhtar'
ḳhudā shāhid hai maiñ aksar ḳhudā ko yaad kartā huuñ

us shaam vo ruḳhsat kā samāñ yaad rahegā
vo shahr vo kūcha vo makāñ yaad rahegā

vo Tiis ki ubhrī thī idhar yaad rahegī
vo dard ki uTThā thā yahāñ yaad rahegā

ham shauq ke shole kī lapak bhuul bhī jaa.eñ
vo sham-e-fasurda kā dhuāñ yaad rahegā