Tags-Yaad

haañ bazm-e-shabāna meñ hama-shauq jo us din
ham the tirī jānib nigarāñ yaad rahegā

kuchh 'mīr' ke abyāt the kuchh 'faiz' ke misre
ik dard kā thā jin meñ bayāñ yaad rahegā

āñkhoñ meñ sulagtī huī vahshat ke jilau meñ
vo hairat o hasrat kā jahāñ yaad rahegā

jāñ-baḳhsh sī us barg-e-gul-e-tar kī tarāvat
vo lams-e-azīz-e-do-jahāñ yaad rahegā

ham bhuul sake haiñ na tujhe bhuul sakeñge
tū yaad rahegā hameñ haañ yaad rahegā

kabhī kitāboñ meñ phuul rakhnā kabhī daraḳhtoñ pe naam likhnā
hameñ bhī hai yaad aaj tak vo nazar se harf-e-salām likhnā

parbat ho yā peḌ ghanā ho yā koī dīvār
terī yaad liye phirte haiñ saa.e saa.e ham

sab dalīleñ to mujh ko yaad rahīñ
bahs kyā thī usī ko bhuul gayā

vo harīm-e-nāz meñ bechain haiñ
yaad aatī haiñ mirī tanhā.iyāñ

itnā bhī use yaad na kar shām-e-ġharībāñ
mahkegī fazā bū-e-hinā tañg karegī

hameñ vo bhuul baiThe haiñ unheñ phir yaad kyā karnā
unheñ rāh-e-mohabbat meñ bisarnā bhī zarūrī thā

yād-e-ḳhudā kar bande yuuñ nāhaq umr kuuñ khonā kyā
haq chāhā suuī kuchh hogā un logoñ siiñ honā kyā

ba-zāhir dasht kī jānib to baḌhtā jā rahā hai
magar sab rāste bhī yaad kartā jā rahā hai

ye dil meñ dard chamkā yā koī yaad
ye kaisī aag kī sī raushnī hai

rāstoñ par peḌ jab dekhe to aañsū aa ga.e
har shajar saaya thā terī yaad se miltā huā

ziist ke pur-shor sāhil par ga.e lamhoñ kī yaad
jis tarah saaya ho sat.h-e-āb par Thahrā huā

ye gardish hai zamāne kī maiñ tum se duur huuñ lekin
maiñ jitnā duur jaatā huuñ tum itnā yaad aate ho

tū mujhe yaad na aa.e kabhī aisā na huā
phir bhī ro ro ke guzar hotā ho ye bhī na huā

jaane kyā soch ke in āñkhoñ meñ aañsū aa.e
aaj nāzuk se ka.ī lamhe mujhe yaad aayā

yaad kī album sajā kar gosha-e-dil meñ kahīñ
kaam ā.eñge vafā ke silsile rakh chhoḌnā