Tags-Zindagi

hai usī se ruuh meñ tāzgī yahī qalb-o-jāñ kī hai raushnī
tū ḳhudā-rā tark-e-sitam na kar mirī zindagī kā savāl hai

mujh ko kahne do ki maiñ aaj bhī jī saktā huuñ
ishq nākām sahī zindagī nākām nahīñ

mirī zindagī kā hāsil tire ġham kī pāsdārī
tire ġham kī aabrū hai mujhe har ḳhushī se pyārī

ye qadam qadam balā.eñ ye savād-e-kū-e-jānāñ
vo yahīñ se lauT jaa.e jise zindagī ho pyārī

zindagī jabr ke dāman meñ janam letī hai
aadmī daar ke saa.e meñ javāñ hotā hai

zindagī kyā hai bas ik ḳhāna-e-mātam 'jāved'
dil dhaḌaktā hai to ehsās-e-fuġhāñ hotā hai

zindagī aaj bhī ik mas.ala hai
na taḳhayyul

zindagī kī cigarette
tumhāre saath piine kī ḳhātir

thā zindagī meñ marg kā khaTkā lagā huā
uḌne se pesh-tar bhī mirā rañg zard thā

bedard mujh se sharh-e-ġham-e-zindagī na pūchh
kaafī hai is qadar ki jiye jā rahā huuñ maiñ

zindagī dard bhī davā bhī thī
ham-safar bhī gurez-pā bhī thī

āḳhir-e-umr apnī nazroñ meñ
jāma-e-zindagī kuhan sā lagā

jab bhī dohrā.ūñgā apnī zindagī kī dāstāñ
zindagī par apnī shāyad phir fidā ho jā.ūñgā

zindagī yuuñ to guzar jaatī hai ārām ke saath
kashmakash sī hai magar gardish-e-ayyām ke saath

banda-parvar aap kī to zindagī ābād hai
aap ko is se ġharaz kyā gar koī barbād hai

zindagī jin ke tasādum se hai zaḳhmī 'farhat'
dil unhīñ TuuTe hue sapnoñ kā darpan māñge

ek hī naddī ke haiñ ye do kināre dosto
dostāna zindagī se maut se yaarī rakho

tū pashemāñ na ho maiñ shaad huuñ nāshād nahīñ
zindagī terā karam hai tirī bedād nahīñ

ik ho gayā izāfa mirī zindagī meñ aur
tum ne jo dil ko mā.il-e-āzār kar diyā

zindagī kuchh bhī nahīñ soz-e-mohabbat ke baġhair
aag us dil ko lage jo nahīñ ḳhvāhāñ terā