Tags-Baam

maiñ us galī se sar ko jhukā.e guzar gayā
chilġhoze pheñktī rahī vo mujh pe baam se

mirī bastī kā koī ghar bhī ghar jaisā nahīñ lagtā
kahīñ ta.amīr-e-bām-o-dar meñ koī naqs rahtā hai

haañ ab us samt nahīñ jaanā par ai dil ai dil
baam par us ne koī sham.a agar phir rakkhī

mahak uThe haiñ dar-o-bām o kūcha o bāzār
jahāñ jahāñ se tire bāda-ḳhvār guzre haiñ

dhuup sochoñ ke dar-o-bām tak aa pahuñchī hai
aur aaise meñ tirī yaad ke saa.e bhī nahīñ

dīvār kā bojh baam par hai
ye ghar bhī huā ḳharāb kaisā

sahrā meñ ThanDe vaqt hameñ yaad aa.ī jo us kī jalvagarī
kuchh aisī huī vahshat dil ko dam jā ke zer-e-bām liyā

mirī navā to kabhī rā.egāñ nahīñ jaatī
agar vo ghar meñ huā baam par bhī aa.egā

juuñ jaras bām-o-dar-e-har-ḳhāna se uTThegā shor
mat safar se hashr barpā sāz-e-suhhā hojiye

ab jo bikhre haiñ dar-o-bām to hairat kaisī
ham ne sīkhā hī na thā ghar kī hifāzat karnā

ḳhvāb Thahrā sar-e-manzil na tah-e-bām kabhī
is musāfir ne uThāyā nahīñ ārām kabhī

diyā thā hukm ye jaise kisī ne āñdhī ko
ki sirf kachche makānoñ ke bām-o-dar jaa.eñ

baam par the vo khaḌe lutf do-bālā hotā
mujh ko bhī dil ne uchhal kar jo uchhālā hotā

jal uThe bazm-e-ġhair ke dar-o-bām
jab bhī ham ḳhānumāñ-ḳharāb aa.e

bām-e-mīnā se māhtāb utre
dast-e-sāqī meñ āftāb aa.e

tirī bālā-qadī badnām hogī
yahāñ ke bām-o-dar nīche bahut haiñ

tum nahīñ the to sar-e-bām-e-ḳhayāl
yaad kā koī sitāra hogā

ajab vo ġhurbat-e-dīvār-o-bār-o-dar thī ki ham
makān meñ rahe lekin kabhī makīñ na bane

dīvār kā bojh baam par hai
ye ghar bhī huā ḳharāb kaisā

jab ki un āñkhoñ kī mash.al baam par raushan nahīñ
shahr meñ yāsir koī māh-e-tamām aayā to kyā