Tags-Baankpan

lachaktī shāḳh ne jab sar uThāyā
kisī kā bāñkpan yaad aa gayā hai

harā-bharā thā kabhī jhaaḌ sā badan merā
ki ā.inoñ meñ jhalaktā thā bāñkpan merā

vafā kā imtihāñ hai jān-o-tan kī āzmā.ish hai
ḳhudā rakkhe ḳhudī ke bāñkpan kī āzmā.ish hai

anā hī thī ki na jhukne diyā kabhī mujh ko
pahāḌ sar pe uThā kar bhī bāñkpan meñ rahā

chaa.e kī bhaap meñ
ghulte, ma.adūm hote hue qahqahe shaam kā bāñkpan

damakte chehre ghanerī zulfeñ
ye sarsarāte havāoñ jaise libās jismoñ kā bāñkpan dilrubā adā.eñ

karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā

kuchh junūñ kī sarfaroshī kuchh ḳhirad kā bāñkpan
varna hai uzv-e-muattal ālam-e-asbāb bhī

bāñkpan bas ki hai manzūr mire qātil ko
gul-e-dastār bhī ab ġhuncha-e-paikāñ hogā

hamīñ haiñ jinheñ ishq hai bāñkpan se
hamīñ haiñ jo uljheñ haiñ dār-o-rasan se

ek chashmak-e-do-sad sinān-e-mizha
is nukīle kā bāñkpan dekhā

be-niyāzāna jiye jaate haiñ apnī dhun meñ
bāñkpan kho na kahīñ jaa.e nahīñ haa.e nahīñ

kabhī ġhamza kabhī ishva kabhī shoḳhī kabhī mastī
adā.eñ bāñkpan meñ sandalī paikar banātī haiñ

uruuj auroñ ko kuchh din hai ahrman kī tarah
faroġh kis ko hai rindoñ ke bāñkpan kī tarah

mire bhī dāġh-e-jigar misl-e-lāla haiñ rañgīñ
hai chashmak us gul-e-ḳhūbī ke bāñkpan se mujhe

bārishoñ meñ bhīgnā jismoñ kā ujlā bāñkpan
rāstoñ kī gard bhī ye log sar par dekhte

badalte vaqt ne badle mizāj bhī kaise
tirī adā bhī ga.ī merā bāñkpan bhī gayā

na ġhurūr hai ḳhirad ko na junūñ meñ bāñkpan hai
ye mizāj-e-zindagī to baḌā hausla-shikan hai

lahje ke bāñkpan meñ chhupāte haiñ dil kā soz
ham aise rakh-rakhāo ke fankār kam bane

sāñsoñ ko us kī yaad se nisbat hai aaj bhī
mujh meñ kisī bhī taur sahī bāñkpan to hai