Tags-Baankpan

jān-e-man ab ke ye ādāb haiñ tere kaise
bāñkpan merī ġhazal kā tirī mahfil meñ luTe

apnī ḳhabar na baaqī rah jā.egī kisī ko
parde se gar kahīñ vo ik bāñkpan se nikle

arsa-e-ḳhvāb se vaqt maujūd ke rāste meñ gañvā dī ga.ī guftugū
ek isrār kī bebasī rah ga.ī ek inkār kā bāñkpan rah gayā

dekh kar vo bāñkpan vo husn vo rañgīñ shabāb
dil kī hasrat ne bhī āḳhir lī vo añgḌā.ī ki bas

dushman ke ghar se chal ke dikhā do judā judā
ye bāñkpan kī chaal ye nāz-o-adā kī hai

haqīqatoñ ke safar meñ bahut akelī huuñ
majāz-e-ishq! zarā bāñkpan badalnā to

bārgāh-e-husn meñ jhuk kar salāmī pesh kar
bāñdh kar ghuñgrū guloñ ke bāñkpan meñ raqs kar

hazār tan ke chaleñ bāñke ḳhūb-rū lekin
kisī meñ aan nahīñ tere bāñkpan kī sī

dikhlātā ik adā meñ hai sau sau tarah banāo
is sāda-pan ke saath tirā bāñkpan mujhe

junūñ kī jāda-tarāshī hai bāñkpan merā
ye rahguzār-e-jahāñ apnī rahguzar kyuuñ ho

mire ḳhayāloñ meñ aaj bhī haiñ vo bāñkpan kī mahaktī rāteñ
kisī kī āñkhoñ se jaam piinā kisī badan ke gulāb paḌhnā

ye tirā bāñkpan ye ra.anā.ī
rashk-e-mahtāb terī zebā.ī