Tags-Baankpan

itnā hasīn hai mire 'gulshan' kā bāñkpan
har gul mirī nigāh meñ zīshān ho gayā

ajiib dhuup sar-e-sehn-e-tan utar aa.ī
mizāj tursh huā bāñkpan tamām huā

kyā kyā bayān kījiye ik ik kā bāñkpan
jalva-figan zamīñ pe thī tāroñ kī anjuman

agar chehre hoñ afsurda to jiine kā mazā kyā hai
urūs-e-zindagī ke bāñkpan se ishq hai mujh ko

tum bāñkpan ye apnā dikhāte ho ham ko kyā
qabze pe haath rakh ke Darāte ho ham ko kyā

hamārī guftugū sab se judā hai
hamāre sab suḳhan haiñ bāñkpan ke

maiñ terā bāñkpan huuñ mujhe haath se na kho
añgushtarī kī zīnat-o-qīmat nagīñ se hai

ye sar-kashī junūñ nahīñ pindār-e-ishq hai
guzre haiñ daar se bhī usī bāñkpan se ham

shāḳh-e-gul ban kar lachakte haiñ havas kī bazm meñ
ye vahī haiñ jin meñ thā talvār kā sā bāñkpan

mire vajūd ko chhū le mujhe mukammal kar
tire baġhair adhūrā hai bāñkpan merā

adā meñ bāñkpan andāz meñ ik aan paidā kar
tujhe ma.ashūq banñā hai to puurī shaan paidā kar

kahne ko to mar chukī thī ḳhvāhish
baaqī magar us kā bāñkpan thā

badalte vaqt ne badle mizāj bhī kaise
tirī adā bhī ga.ī merā bāñkpan bhī gayā

panjoñ ke bal zamīñ pe na chal bāñkpan ko chhoḌ
mānind-e-naqsh-e-pā hai ye nā-pā.edār dekh

mutma.in haiñ bahut aaj arbāb-e-fan apnā sarmāya-e-fikr-o-fan bech kar
jaise ā.īna rakh de koī māh-vash halqa-e-zulf kā bāñkpan bech kar

purāne lafz tafsīreñ na.ī thiiñ
ġhazal kā bāñkpan thā aur maiñ thā

kabhī na husn-o-mohabbat meñ ban sakī 'vāhid'
vo apne naaz meñ ham apne bāñkpan meñ rahe

tabdīl ho ga.e haiñ javāñ-sāl ḳhāl-o-ḳhad
vo bāñkpan bhī tere suḳhan meñ nahīñ rahā

us ke ḳharrāToñ ko fitrī bāñkpan kahnā paḌā
ful badan aurat thī jis ko gul-badan kahnā paḌā

sab bāñkpan ab terā 'nazīr' ishq ne khoyā
kyā ho ga.ī sach kah vo terī duut dubak be