Tags-Bahaar

phir is andāz se bahār aa.ī
ki hue mehr-o-mah tamāshā.ī

tujhe e'tibār-e-sahar bhī hai
tujhe intizār-e-bahār bhī

udaas rut hai abhī tak mire ta.āqub meñ
ḳhizāñ ke phuul khile haiñ bahār se bāhar

bahār aa.ī hai phir pairahan gulābī ho
vo chāñd aa.e sar-e-anjuman gulābī ho

mujh ko ehsās-e-rañg-o-bū na huā
yuuñ bhī akasr bahār aa.ī hai

aayā shabāb ruup pe husn-o-jamāl hai
is baaġh meñ bahār ne rañg ab jamā liyā

gul khileñge baar baar aur aa.egī hir-phir bahār
hai hamesha sair-e-gulzār-e-jahāñ tum ho kahāñ

uḌ jā.ūñgā bahār meñ mānind-e-bū-e-gul
zanjīr mere pā-e-junūñ meñ hazār Daal

'fāriġh' ġhubār-e-rāh ko tahqīr se na dekh
paiġhambar-e-bahār hai mausam ḳhizāoñ kā

junūñ meñ dāman-e-dil garche taar taar huā
magar ye jashn sar-e-kūcha-e-bahār huā

mujhe rañg de na surūr de mire dil meñ ḳhud ko utaar de
mire lafz saare mahak uTheñ mujhe aisī koī bahār de

ham giraftāroñ ko ab kyā kaam hai gulshan se lek
jī nikal jaatā hai jab sunte haiñ aatī hai bahār

ye chalī hai kaisī havā ki ab nahīñ khilte phuul milāp ke
kabhī daur-e-fasl-e-bahār thā tumheñ yaad ho ki na yaad ho

sach kah ai bād-e-sabā hai kisī gul par ye bahār
tū ne dekhe haiñ zamāne ke gulistāñ itne

tirī umīdoñ kā saath degī ināyat-e-barg-o-bār kab tak
bahār hai mehrbān tujh par magar rahegī bahār kab tak

vo to bahār kā hameñ rakhnā paḌā bharam
varna ye vāqi.a hai ki gulshan meñ kuchh na thā

saaqī na mai na jaam na miinā na mai-kada
aamad bahār kī ho mubārak bahār ko

nash-o-numā-e-sabza-o-gul se bahār meñ
shādābiyoñ ne gher liyā hai chaman tamām

kisī ahl-e-dard se pochhiye zarā is chaman kā mo.āmla
vo chaman ki fasl-e-bahār meñ bhī jahāñ pe phuul khile na the

ashk-e-ḳhūnīñ se asīrī meñ uThā lutf-e-bahār
hai qafas rashk-e-chaman abar-e-bahārī āñkheñ