Tags-Bahaar

karnā hai ban ko taaza nihāloñ kī dekh bhaal
biitī huī bahār ko vo yaad kyā kareñ

shabnam ke ashk sūkhne detī nahīñ fazā
hañstā hai ḳhud bahār-e-chaman par chaman abhī

lahū ko dil ke jo sarf-e-bahār kar na sake
ilaaj gardish-e-lail-o-nahār kar na sake

nabz-e-bahār par haiñ bagūloñ kī uñgliyāñ
chalne ko chal rahī hai nasīm-e-chaman abhī

kyā ḳhudā kī shaan hai aatī hai jab fasl-e-bahār
sab harī ho jaatī haiñ mere qafas kī putliyāñ

ye tilism-e-mausam-e-gul nahīñ ki ye mojaza hai bahār kā
vo kalī jo shāḳh se gir ga.ī vo sabā kī god meñ pal ga.ī

ye shab-e-māhtāb hai saaf hameñ javāb hai
māh-laqā haiñ muntazir mil ke dikhā bahār-e-shab

tum duur ho to pyaar kā mausam na aa.egā
ab ke baras bahār kā mausam na aa.egā

taaza mohabbatoñ kā nasha jism-o-jāñ meñ hai
phir mausam-e-bahār mire gulsitāñ meñ hai

mazā to jab hai ki gulshan meñ jashn-e-sho.ala ho
bharī bahār meñ dāġh-e-gulāb khol ke dekh

nahīñ hai rahnā use bhī bahār meñ 'tāhir'
mujhe bhī mausam-e-shādāb se nikalnā hai

bahār-e-nau kī phir hai aamad aamad
chaman ujḌā koī phir ham-nafas kyā

mirī dīvāngī kyuuñ baḌh rahī hai
bahār aa.ī chaman meñ ham-nafas kyā

basar kāñToñ meñ ho jab zindagānī
bahār-e-ḳhanda-e-gul yak-nafas kyā

shahīd-e-kaif-e-tamannā hai āshiq-e-betāb
bahār-e-husn-e-safā ham-navā bane na bane

ye surūr 'aḳhtar'-e-dil-zada rajaz-e-bahār-o-shabāb hai
ye buland hotī huī fuġhāñ alam-e-hayāt se kam nahīñ

guloñ kā daur hai bulbul maze bahār meñ luuT
ḳhizāñ machāegī aate hī is dayār meñ luuT

kisī kī be-e'tinā.iyoñ ne badal hī Daalā nizām-e-gulshan
jo baat pahle bahār meñ thī vo baat ab ke baras nahīñ hai

usī ko dasht-e-ḳhizāñ ne kiyā bahut pāmāl
jo phuul sab se hasīñ mausam-e-bahār meñ thā

kahīñ jaatī bahār ruktī hai
dāman aayā na haath meñ bū kā