Tags-Bahaar

mujhe rañj hai ki maiñ mausamoñ kī tavaqquāt se kam rahā
mirī lau ko jis meñ amaañ milī maiñ usī bahār meñ bujh gayā

badal de koshish-e-paiham se āb-o-gil kā mizāj
ḳhizāñ na aa.e jise vo bahār paidā kar

fasl-e-ḳhizāñ meñ is kā koī tazkira nahīñ
sadiyoñ talak bahār kā jo rāhbar rahā

yak balā duur dūsrī ban kā
'bahrī' apnī bahār par qurbān

chīn-e-gesū se dikhā do ḳhāl-e-āriz kī bahār
mere murġh-e-rūh ko ye daam daanā chāhiye

hazār baar bahār aa.ī lekin ai sayyād
nigāh ham taraf-e-bostāñ uThā na sake

matlab ḳhizāñ se hai na ġharaz hai bahār se
ham dil uThā chuke chaman-e-rozgār se

mizhgāñ ne rokā āñkhoñ meñ dam intizār se
uljhe haiñ ḳhaar dāman-e-bād-e-bahār se

jamāl-e-sub.h diyā rū-e-nau-bahār diyā
mirī nigāh bhī detā ḳhudā hasīnoñ ko

na tū jaldī kar ai dast-e-junūñ nāseh ko siine de
bahār aa pahuñchī ab koī Thaharte haiñ rafū is ke

qafas meñ ab to ai sayyād apnā dil taḌaptā hai
bahār aa.ī hai murġhān-e-chaman fariyād karte haiñ

fasl-e-bahār meñ tar-o-tāza nahīñ havā
shāyad shajar ko ḳhvāhish-e-barg-o-samar na thī

shauq-e-bahār-e-ḳhayāl chuum ke chal Daal Daal
phuul pareshāñ tire baaġh haiñ vīrāñ tire

bahār aa.ī hai lekin khile haiñ aag ke phuul
har ik daraḳht meñ rakh kar gayā hai sho.ala kaun

khaTkā na ho āmad-e-ḳhizāñ kā
ai bāġh-o-bahār maiñ na mānūñ

matā-e-shauq to hai dard-e-rozgār to hai
agar bahār nahīñ ishrat-e-bahār to hai

tire qurbān 'bāsit' aur 'bāsit' kī har ik duniyā
bahār-e-vahshat-e-āshufta-hālāñ dekhne vaale

dī kis ne is ko jā ke naved-e-qudūm-e-yār
hai nāgavār baaġh se jaanā bahār ko

ham DhūñDte haiñ baaġh meñ is gul-ezār ko
jalva ne jis ke rañg diyā hai bahār ko

ab ke bahār ne bhī kiiñ aisī sharārteñ ki bas
kabk-e-darī kī chaal meñ terā ḳhirām rakh diyā