Tags-Bahaar

guloñ kī sej to tauhīn hai hasīnoñ kī
diloñ kī sej bichhāo bahār ke din haiñ

'adam' ne tauba to kar lī muġhanniyo! lekin
tum us ko raah pe laao bahār ke din haiñ

takallufāt kā mausam guzar gayā sāhab!
naqāb ruḳh se uThāo bahār ke din haiñ

ye añgbīn sī rāteñ baḌī muqaddas haiñ
diloñ ke diip jalāo! bahār ke din haiñ

pazhmurda hote jaate haiñ gulhā-e-dāġh-e-dil
aatī nahīñ chaman meñ hamāre bahār kyuuñ

bachā.eñge gul-o-bulbul ko dām-e-gulchīñ se
jo koī pahuñche to fasl-e-bahār lete haiñ

yā ḳhizāñ jaa.e aur bahār aa.e
yā ḳhizāñ hī bahār ho jaa.e

guzar ga.ī jo chaman par vo koī kyā jaane
jhaḌe hue haiñ bahār-o-ḳhizāñ ke afsāne

ba-ḳhair guzreñ ye do din bahār ke yā-rab
ki rok Tok bahut ho rahī hai piine meñ

abhī koñpaloñ meñ vo ras kahāñ jo guloñ kā ruup badal sake
abhī gul-farosh ke haath se hameñ ehtiyāj-e-bahār hai

ham kushta-e-ḳhizāñ sahī ai dosto magar
āsūda-e-bahār hamārā hī naam thā

ummīd ke ufuq se na uTThā ġhubār tak
dekhī agarche rāh-ḳhizāñ se bahār tak

ā.īna le ke dekh zarā apne husn ko
aa.egī ye bahār-e-gulistāñ ḳhizāñ meñ yaad

sunā hai phuul jhaḌe the jahāñ tire lab se
vahāñ bahār utartī hai roz shaam ke saath

phūloñ ko raas aayā na jab arsa-e-bahār
gulshan se haT ke gosha-e-dāmāñ meñ aa ga.e

anjām-e-bahār sūjhtā kyā
āġhāz-e-bahār kī ḳhushī meñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ham bāġh-e-tamannā meñ din apne guzār aa.e
aa.e na bahār āḳhir shāyad na bahār aa.e

peḌ yahāñ kuchh sadā-bahār bhī hote haiñ
mausam mausam tum bhī phūlā-phalā karo