Tags-Bahaar

saaya hai chhāñv āftāb hai dhuup
dekh aaj dhuup chhāñv kī ye bahār

na jaane kitne na.e rañg mujh meñ ugte haiñ
vo ek lams banā detā hai bahār mujhe

ḳhizāñ bulā.e magar roke haiñ bahār mujhe
maiñ Thahrī rut huuñ kabhī aa ke tū guzār mujhe

ye rañg-e-bahār-e-ālam hai kyuuñ fikr hai tujh ko ai saaqī
mahfil to tirī suunī na huī kuchh uTh bhī ga.e kuchh aa bhī ga.e

ḳhabt hai ai ham-nashīñ aql-e-harīfān-e-bahār
hai ḳhizāñ in kī inheñ ā.īna dikhlā.e hue

dasht o dar banñe ko haiñ 'majrūh' maidān-e-bahār
aa rahī hai fasl-e-gul parcham ko lahrā.e hue

chaar din kī bahār hai saarī
ye takabbur hai yār-e-jānī hech

jaise ki khil uThe koī jaatī bahār meñ
murda paḌā thā maiñ mujhe chhū kar jilā diyā

tadbīr merī ek na maanī bahār ne
patjhaḌ ke aage phuul mujhe hārnā paḌā

kal ḳhizāñ meñ dīvāne be-niyāz-e-dāman the
fikr-e-pairahan ab hai jab bahār aa.ī hai

misl-e-majnūñ nazar aayā mujhe saudā-e-bahār
saj ke aa.ī hai mire sāmne lailā-e-bahār

mirī āñkhoñ meñ utar aa.ī hai tasvīr tirī
merī āñkhoñ se zarā dekh tamāsha-e-bahār

mast in surḳh nazāroñ meñ nazar aa.e bahār
ātish-e-soz-e-mohabbat se jo jal jaa.e bahār

mo.ajiza maiñ ne ye dekhā tire lab par aksar
muskurāhaT meñ nihāñ barq-e-tajallā-e-bahār

be-ḳhayālī hai ḳhayāl-e-ruḳh-e-zebā-e-bahār
bas yahī ārzu-e-dil hai ki aa jaa.e bahār

kashish-e-rañg-e-mohabbat se vo aayā hai yahāñ
ai ḳhudā ab mire ghar se na kabhī jaa.e bahār

hañs diye zaḳhm-e-jigar jaise ki gul-hā-e-bahār
mujh pe maa.il hai bahut nargis-e-shahlā-e-bahār

jhuum kar phuul ruḳh-e-yār pe hote haiñ fidā
kaif-e-nazzārgī-e-husn se lahrā.e bahār

jab vo gulshan meñ sañvartī hai barastī hai sharāb
jab vo bahke to zamāne ko bhī bahkā.e bahār

ā.īna dil kā 'suhail' ā.īna-e-shauq hai bas
us kī ma.asūm nigāhī se na sharmā.e bahār