Tags-Bahaar

bahār-rañg ke sapne mileñge āñkhoñ meñ
ḳhizāñ jo lauT kar aa.egī shādmānī meñ

tū apnī aañkh meñ tāb-e-bahār lā to sahī
jahān bhar meñ haiñ husn-o-jamāl ke mausam

ubhar rahā hai jo naġhma bahār ke dil se
gudāz-o-soz kuchh us meñ tire badan sā hai

kabhī khil uThte haiñ yādoñ ke bhī kañval varna
bahār meñ bhī ye dil ik udaas ban sā hai

chaman ko is liye maalī ne ḳhuuñ se sīñchā thā
ki us kī apnī nigāheñ bahār ko tarseñ

turfa chaman khilā hai dil-e-dāġh-dār kā
ya.anī ḳhizāñ se kaam liyā hai bahār kā

gulsitāñ meñ paḌ ga.ī hai rasm-e-tajsīm-e-bahār
apne chehre par har ik gul ḳhūn-e-dil malne ko hai

jo mere dil kī ujaaḌ bastī meñ ek mausam Thahar gayā hai
balā se aa.e bahār yā phir ḳhizāñ ruteñ kyā shumār karnā

chaman meñ haa.e vo ik barg-e-zard kā kahnā
bahār-e-hāl meñ yād-e-guzishta-sāl huuñ maiñ

pas-e-visāl bhī hai masti-e-visāl vahī
bahār ḳhatm huī maiñ na hoshiyār huā

shaguftagī-e-dil-e-kārvāñ ko kyā samjhe
vo ik nigāh jo uljhī huī bahār meñ hai

ġham-e-hayāt bhī āġhosh-e-husn-e-yār meñ hai
ye vo ḳhizāñ hai jo Duubī huī bahār meñ hai

tirī nazar kī bahār-āfrīniyāñ taslīm
magar ye dil meñ jo kāñTā sā ik khaTaktā hai

fasl-e-bahār meñ ham kyūñ-kar na hoñ divāne
gul chaak kar garebāñ dhūmeñ machā rahe haiñ

ujaḌ ke phir nahīñ bastā jahān-e-dil 'aḳhtar'
bahār-e-bāġh ko is par dalīl laao nahīñ

fasurda-dil kabhī ḳhalvat na anjuman meñ rahe
bahār ho ke rahe ham to jis chaman meñ rahe

na kaliyāñ muskurātī haiñ na phūloñ par nikhār aa.e
baḌī be-kaifiyoñ ke saath ayyām-e-bahār aa.e

bahār guzrī qafas hī meñ hāv-hū karte
ḳhizāoñ meñ to mirī beḌiyāñ nikālī jaa.eñ

bahār ho ki mauj-e-mai ki tab.a kī ravāniyāñ
jidhar se vo guzar ga.e ubal paḌīñ javāniyāñ

apnī apnī sab dikhāte haiñ bahār
gul bhī gulshan se chale bāzār ko