Tags-Bahaar

taaq se miinā utaar aa.ī bahār
taaq par rakh shaiḳh istiġhfār ko

daaġh siine ke mire turfa dikhāte haiñ bahār
haiñ ye bo.e hue kis naḳhl-e-tilismāt ke biij

merā rañg ruup bigaḌ gayā mirā yaar mujh se bichhaḌ gayā
jo chaman ḳhizāñ se ujaḌ gayā maiñ usī kī fasl-e-bahār huuñ

bahār-e-nau ye haqīqat hai yā fareb-e-nigāh
libās-e-gul nazar aatā hai taar taar mujhe

ye baat sach hai maiñ barg-e-ḳhizāñ-rasīda huuñ
magar salām kiyā kartī hai bahār mujhe

mujhe to aañkh khulte hī qafas kī tīliyāñ milīñ
mirī balā se gar chaman meñ fasl hai bahār kī

bas itnī kā.enāt hai hayāt-e-musta.ār kī
shabāb hai habāb kā bahār hai sharār kī

bahār hai na vajūd-e-bahār baaqī hai
diloñ meñ yād-e-numūd-e-bahār baaqī hai

na us bahār se ab tak bharā thā dil apnā
ki chand lamhoñ ko us se lagā thā dil apnā

guloñ kā rañg sabā kā shi.ār laayā thā
vo ik bahār thā husn-e-bahār laayā thā

ajiib taur se badle haiñ mausamoñ ne chalan
bahār dasht meñ rahtī hai aur ḳhizāñ ghar meñ

sarmāya-e-nashāt sahī āmad-e-bahār
lekin use nasīb tirā bāñkpan kahāñ

bād-e-sumūm luuT le chehroñ kī tāzgī
aglī sadī kī aisī na fasl-e-bahār ho

hamārī kashtī-e-tauba kā ye huā anjām
bahār aate hī ġharq-e-sharāb ho ke rahī

taras rahī haiñ yuuñ bahār ko ruteñ
ġharīb kā nasīb ho ke rah ga.iiñ

terī hañstī huī āñkhoñ meñ
rañg bahār ke raqsāñ dekhe

mirī sarisht meñ rañg-e-bahār hai lekin
bahut dinoñ se kisī bāġh-e-be-numū meñ huuñ

hotā na bāġh-e-dil kabhī shāhān-e-iltifāt
achchhā huā bahār meñ vīrāna ho gayā

bahār aa.ī hai istiqbāl karne bāb-e-zindāñ tak
nahīñ ma.alūm 'sīmāb' aaj kaun āzād hotā hai

ye haath kaise haiñ be-kār kuchh to car kareñ
bahār aa.ī garebān taar taar kareñ