Tags-Bharosa

huā ye dil na jab merā to phir kyā aur kā hogā
bharosa kījiyo tum bhī na aise be-muravvat kā

tālib ho vahāñ aan ke kyā koī sanam kā
ho jis ko bharosa na jahāñ ek bhī dam kā

bharosa kis qadar hai tujh ko 'aḳhtar' us kī rahmat par
agar vo shaiḳh-sāhib kā ḳhudā niklā to kyā hogā

is mashvara ke saath ki charchā na chāhiye
dil kah rahā hai un pe bharosa na chāhiye

bas is liye rahbar pe nahīñ mujh ko bharosa
buddhū hai vo ḳhud raah bhaTak jaa.e to kyā ho

maiñ sāda-lauh sāda-bayāñ sāda-ārzū
aur us ne sādgī pe bharosa nahīñ kiyā

habāb hai zindagī kā naqsha kahāñ kā din māh-o-sāl kaisā
havā hai ye dam kā kyā bharosa ummīd-e-fardā na kījiyegā

ta.alluq ahl-e-jahāñ se ho gar to rakhiye bīm-o-rajā barābar
sivā ḳhudā ke kisī ke upar kabhī bharosa na kījiyegā

bharosa kar ke maiñ apne rahīm par vaa.iz
maza to jab hai ki tujh ko jalā jalā ke piyūñ

bharosa aah par hargiz nahīñ ai yaar āshiq ko
shikār ab tak kahīñ dekhā nahīñ tīr-e-havā.ī kā

mujhe qismat pe apnī hai bharosa
milā jo us pe raazī ho ga.ī huuñ

ālamoñ kī baat kā 'saurabh' bharosa hai mujhe
tajraba kuchh zindagī kā haañ magar merā bhī hai

gumāñ thā yā tirī ḳhushbū yaqīn ab bhī nahīñ
nahīñ havā pe bharosa to kuchh ajab bhī nahīñ

vo jis ko thā siine kā har ik zaḳhm dikhāyā
bātoñ pe mirī us ko bharosa to nahīñ thā

bahut bharosa na kar lenā apnī āñkhoñ par
dikhā.ī detā hai jo kuchh vo ḳhvāb hotā hai

yā tarīq-e-dost-dārī par bharosa hī na kar
yā fareb-e-dostī ke sehr ko bātil samajh

bhaa.ī ko hai bhaa.ī pe bharosa to bhalā hai
āñgan meñ bhī uTh jā.egī dīvār nahīñ to

manzil kā ta.ayyun hai na sāñsoñ kā bharosa
maiñ vaqt kī taqlīd meñ bas dauḌ rahā huuñ

ġharaz tere sivā har ek ko majbūr paatā huuñ
bharosa jis pe kartā huuñ usī se kuchh nahīñ hotā

vahāñ terā karam terā bharosa kaam aatā hai
jahāñ majbūr ho kar aadmī se kuchh nahīñ hotā