Tags-Chaand

apne ḳhvāboñ ko ik din sajāte hue
gir paḌe chāñd tāroñ ko laate hue

sajānī hotī hai jis raat chāñd ko mahfil
sitāre shaam se chhat par utarne lagte haiñ

be-tahāsha haiñ sitāre lekin
chāñd bas ek adad hai, had hai

sar-bar-āvurda sanobar kī ghanī shāḳhoñ meñ
chāñd billor kī TuuTī huī chūḌī kī tarah aTkā hai

chāñd ne mujh se kahā ai shā.er-e-fikr-e-azal
mere baare meñ bhī likh de koī sanjīda ġhazal

vahī ākāsh vahī raat kī chādar sar par
chāñd ko dekh ke taare nahīñ badle maiñ ne

raat hamāre saath tū jaagā kartā hai
chāñd batā tū kaun hamārā lagtā hai

aur phir chāñd nikaltā hai
aur phir saarā shahr simaT kar tere ghar kā āñgan ban jaatā hai

chāñd bhī duur idhar aur havā bhī hai ḳhilāf
ham to uḌtā huā bosa bhī nahīñ de sakte

'zeb' aaj hai be-kaif sā kyuuñ chāñd na jaane
jaise koī TuuTā huā paimāna paḌā ho

khujūroñ ke peḌoñ se thoḌā sā uupar
javāñ musta.id chāñd

vo chāñd ho ki chāñd sā chehra koī to ho
in khiḌkiyoñ ke paar tamāshā koī to ho

ḳhaal ruḳhsār-e-munavvar kā dikhānā chāhiye
chāñd meñ ai mehr-vash dhabbā lagānā chāhiye

mujh ko yaqīñ hai sach kahtī thiiñ jo bhī ammī kahtī thiiñ
jab mere bachpan ke din the chāñd meñ pariyāñ rahtī thiiñ

jo tārīkī mere apne andar thī so qaa.em hai
galiyoñ galiyoñ chāñd sitāre baañT rahā huuñ vaise to

rahe gardish meñ saarī raat merī be-qarārī par
baḌe hamdard nikle chāñd tāroñ ko na chain aayā

is meñ kyā chāñd sitāroñ ko qabāhat hogī
zarra-e-ḳhāk agar nuur huā jaatā hai

chāñd tāroñ se bharā ye āsmāñ de jā.ūñgā
ḳhud rahūñgā dhuup meñ aur sā.ebāñ de jā.ūñgā

kyuuñ ubhar aayā tirī yaad kā chāñd
jab ujālā mirī taqdīr nahīñ

sirf chehroñ pe latāfat koī mauqūf nahīñ
chāñd jaisā koī patthar bhī to ho saktā hai