Tags-Chaand

tīrgī chāñd ko ina.am-e-vafā detī hai
rāt-bhar Dūbte sūraj ko sadā detī hai

kisī ke chehra-e-zebā se us ko kyā nisbat
yūñhī bikherā kare chāñd chāñdnī apnī

ye zamīñ chāñd sitāroñ kā badal kaise ho
sochtā maiñ bhī bahut kuchh huuñ amal kaise ho

raat ke parde ulaTte jaao
chāñd kā jism barahna bhī ho

zarā dekho ye sarkash zarra-e-ḳhāk
falak kā chāñd bantā jā rahā hai

jab bhī sambhālā chāñd ne barbād shahr ko
dīvār-o-dar vahī rahe naqsha badal gayā

guzartā hai kabhī jab chaudhvīñ kā chāñd badlī se
mahīn āñchal meñ un kā rū-e-tābāñ yaad aatā hai

chāñd ko bhī ehsās thā us kā
der-saver to vaise bhī ho jaatī hai

pichhlī kuchh rātoñ se aksar
chāñd ko der ho jaatī thī

chāñd ab roz hī is bastī se guzrā kartā
us ko taktā rahtā

lekin chāñd ko
aur kahīñ se bhī to ho kar aanā thā

hasīn yādoñ ke chāñd ko alvidā.a kah kar
maiñ apne ghar ke añdhere kamroñ meñ lauT aayā

ashkoñ meñ husn-e-dost dikhātī hai chāndnī
shabnam ko chaar chāñd lagātī hai chāndnī

maiñ āsmān banātā huuñ merī baat karo
yahāñ to chāñd sitāre sabhī banāte haiñ

havas hai saare jahānoñ pe hukmarānī kī
vo sirf chāñd nahīñ raat bhī banāte haiñ

har shaam ek mas.ala ghar bhar ke vāste
bachcha ba-zid hai chāñd ko chhū kar bhī aa.egā

hasīn yādoñ ke chāñd ko alvidā.a kah kar
maiñ apne ghar ke añdhere kamroñ meñ lauT aayā

rāt-bhar chāñd kī ThanDak meñ sulagtā hai badan
koī tanhā.ī ke dozaḳh se nikāle mujh ko

mirī ziist kī raah tārīk thī chāñd ban kar tum aa.e to raushan huī
ye rah aaj phir tīra-o-tār hai ġhāliban chāñd ko lag gayā hai gahan

haañ utar aatī haiñ is vaadī meñ pariyāñ chāñd kī
kahte haiñ ik ajnabī sayyāh pāgal ho gayā