Tags-Chaand

jab chāñd numūdār huā duur ufuq par
ham ne bhī parī-zād ko patthar se nikālā

chāñd-sitāre aur havā
kis ko hai ārām safar

raat ik shaḳhs bahut yaad aayā
jis ghaḌī chāñd numūdār huā

kal raat tanhā chāñd ko dekhā thā maiñ ne ḳhvāb meñ
'mohsin' mujhe raas aa.egī shāyad sadā āvārgī

ham se vo jān-e-suḳhan rabt-e-navā chāhtī hai
chāñd hai aur charāġhoñ se ziyā chāhtī hai

khiḌkiyāñ chāñd mukhḌe hañsī
chhuT ga.e kitne farsañg sab

chāñd ko jis se hayā aatī hai
jazb kyā us kī adā kī jaa.e

yaksāñ haiñ jab qarīne raftār ke chalan ke
donoñ ho chāñd-sūraj is gardish-e-kuhan ke

is qarya-e-shab meñ chāñd mere
ġham bhī tirā raushnī-fazā hai

kho ga.e din ke ujāloñ meñ mire ḳhvāboñ ke chāñd
arsh se ab chāñd bhī koī utar aayā to kyā

mai-e-farāġhat kā āḳhirī daur chal rahā thā
subū kināre visāl kā chāñd Dhal rahā thā

koī naav kahīñ mañjdhār meñ Duube chāñd se uljhe aur udhar
maujoñ kī vahī halqa-bandī dariyā kī vahī tuġhyānī ho

baa.eñ meñ sūraj rahe aur chāñd dahne haath meñ
dil agar raushan nahīñ to shobada-gar kuchh nahīñ

mar ga.e aap ghup añdhere meñ
chāñd terī taraf uchhāl ke log

chāñd jab duur ufuq par Duubā
tere lahje kī thakan yaad aa.ī

chāñd ke ras meñ bujhe lamhoñ kī tanhā.ī meñ
zahr-e-hijrāñ meñ hai Duubī huī talvār havā

jaane kis tarah ḳhalāoñ meñ dhanak bantī hai
chāñd kī rañg bharī jhiil ke us paar havā

taptī dhūpoñ meñ bhī aa kar apnī yaad dilāte haiñ
chāñd-nagar ke 'inshā'-sāhib aale jin kā haalā thā

ḳhurshīd-e-vatan ko inhī hāthoñ se ujālā
ham chāñd sitāroñ ko bhī tasḳhīr kareñge

vo nagar chāñd kā hai vahāñ terī kirnoñ kī ḳhvāhish kise
is taraf tīrgī hai yahāñ lā ke dhar tashtarī fāḳhta