Tags-Chaand

chāñd bin chāñdnī kahāñ hogī
go sitāre hazār nikle haiñ

tumhārā chāñd puurā ho gayā hai
tumheñ Thahrā huā paanī mubārak

pichhlī raat jab har sū zulmatoñ kā pahra thā
ek chāñd niklā thā in hasīñ darīchoñ se

chāñd ko raat meñ maut aa.ī thī
laash ham din ko uThāne nikle

mujhe to aap se matlab hai chāñd sūraj kaun
vo un ko chāheñge jo āsmāñ meñ rahte haiñ

mujhe ye zid hai kabhī chāñd ko asiir karūñ
so ab ke jhiil meñ ik dā.era banānā hai

zulmatoñ meñ jiite haiñ, raushnī ke maare haiñ
ek hī qabīle ke chāñd aur sitāre haiñ

har galī shahr kī phūloñ se sajī mere liye
har darīche meñ koī chāñd sā chehra chamkā

bistar meñ ek chāñd tarāshā thā lams ne
us ne uThā ke chaa.e ke cup meñ Dubo diyā

ik ġham-gīñ laḌkī ke chehre par chāñd kī zardī chhā.ī hai
jo barf girī thī is pe lahū ke chhīñToñ kī rushnā.ī hai

ubhartā chāñd siyah raat ke paroñ meñ thā
koī to chehra mire dard ke gharoñ meñ thā

chāñd phir tāroñ kī ujlī rezgārī de gayā
raat ko ye bhiik kaisī ḳhud bhikārī de gayā

nazar jamā.e rakhūñgā maiñ chāñd par 'tābish'
ki jab talak ye parinda utar nahīñ aatā

maiñ murda pāniyoñ meñ chāñd sā ravāñ dekhūñ
vo varse meñ mujhe ḳhvāhish kī jhiil chhoḌ gayā

dekh tū āsmāñ ke bistar par
chāñd merī tarah savālī hai

mere thakte baazū meñ aur chāñd meñ shāyad duurī ab bhī utnī hī hai
chāñd abhī tak duur hai mujh se

maiñ ne ek chaman meñ jā kar ḳhushbū ko ye baat batā.ī
chāñd kā bachnā ab mushkil hai

thī ik aisī raat ki ham donoñ tanhā the
chāñd bhī ham bhī

ik ajab vahshat se dil sīnoñ meñ be-kal ho ga.e
chāñd kyā niklā ḳhushī se log pāgal ho ga.e

darpan chāñd sitāroñ kā
fitrat ke nazzāroñ kā