Tags-Charagh

jabīn charāġh muqaddar kushāda dhuup sahar
ġhurūr qahr ta.ajjub kamāl nuur bharī

kisī ke nuur ko chuñdhiyā ke dekheñ hairat se
charāġh jugnū sharar āftāb phuul jhaḌī

ḳhushnumā shahroñ kā baanī rāz-e-fitrat kā surāġh
ḳhāndān-e-teġh-e-jauhar-dār kā chashm-o-charāg

jis kī mehnat se phabaktā hai tan-āsānī kā baaġh
jis kī zulmat kī hathelī par tamaddun kā charāġh

dasht ke kām-o-dahan ko din kī talḳhī se farāġh
duur dariyā ke kināre dhuñdle dhuñdle se charāġh

ilm se baḌhtī hai aql aur aql hai vo bad-dimāġh
jo bujhā detī hai siine meñ mohabbat kā charāġh

garm ho tezāb kī khaulan se laale kā ayāġh
ġhuncha-e-nauras kā taaq aur pīr-e-maktab kā charāg

paḌ nahīñ jaate ilāhī sīna-e-daulat meñ daaġh
bujh nahīñ jaate shabistān-e-imārat ke charāġh

charāg-e-ilm raushan hai haqīqat kī havāoñ par
hukūmat kar rahā hai ek goshe se fazāoñ par

gesū ko naaz hai dil-e-raushan kī chaah par
parvāna ye charāġh hai mār-e-siyāh par

madār-e-zindagī Thahrā nafas kī āmad-o-shud par
havā ke zor se raushan charāġh-e-bazm-e-hastī hai

ye sukūn-e-jāñ kī ghaḌī Dhale to charāġh-e-dil hī na bujh chale
vo balā se ho ġham-e-ishq yā ġham-e-rozgār koī to ho

parvāna-vār go ki jalāyā hai ishq ne
lekin charāġh-e-gor-e-ġharībāñ se duur huuñ

rahtī hai bas-ki raakh zamānoñ kī taaq par
maiñ bhī charāġh-e-hijr kā chakkar luuñ aur gā.ūñ

ik dhan ko ek dhan se alag kar luuñ aur gā.ūñ
sāñsoñ kā ik charāġh kahīñ dhar luuñ aur gā.ūñ

hai sar-e-shab aur mire ghar meñ nahīñ koī charāġh
aag to is ghar meñ jānāna lagāte jā.iye

charāġh-e-yās-o-hasrat ham haiñ mahfil meñ hasīnoñ kī
jalā.e jis kā jī chāhe bujhā.e jis kā jī chāhe

jo ho jā.egā parvāna charāġh-e-husn kā us ke
karegā naam raushan lau lagā.e jis kā jī chāhe

ḳhizāñ ke chāñd ne pūchhā ye jhuk ke khiḌkī meñ
kabhī charāġh bhī jaltā hai is havelī meñ

charāġh-e-rāh bujhā kyā ki rahnumā bhī gayā
havā ke saath musāfir kā naqsh-e-pā bhī gayā