Tags-Charagh

paḌ nahīñ jaate ilāhī sīna-e-daulat meñ daaġh
bujh nahīñ jaate shabistān-e-imārat ke charāġh

kahīñ ḳhamosh kahīñ gūñjte añdhere haiñ
bujhe charāġh haiñ mātam-kade ujāloñ ke

vo bujh gayā to añdheroñ ko bhī malāl rahā
vo ik charāġh jo jalne meñ bhī be-misāl rahā

koī charāġh atā kar koī gulāb utaar
vagarna shahr-e-sitam par vahī azaab utaar

ye baaġh charāġh sī tanhā.ī
ye saath gul o shabnam aaise

jagmagā uTTheñge shāḳhoñ par gulāboñ ke charāġh
jab bahār aa.ī to apne bāl-o-par bhī lā.egī

sham-e-aivān-e-haram ho yā charāġh-e-tāq-e-dair
ham ko donoñ se ta.alluq hai ki haiñ parvāna ham

zabt se nā-āshnā ham sabr se begāna ham
kyuuñ kisī se māñgte jaa.eñ charāġh-e-ḳhāna ham

kin shahīdoñ ke lahū ke ye farozāñ haiñ charāġh
raushnī sī jo hai zindāñ ke har ik rauzan meñ

charāġh āñkhoñ meñ jal rahe the
sukūt shām-e-malāl tak thā

dil bujh gayā to raat kī sūrat thī zindagī
jab tak ye ik charāġh rahā raushnī rahī

ḳhulūs-e-dil kā sila soz aarzū kā guhar
isī guhar 'farīdī' charāġh-e-shām kareñ

koī charāġh sar-e-rahguzar nahīñ na sahī
maiñ naqsh-e-pā ko bahar-gām chhoḌ aayā huuñ

maiñ jāgtā thā ki jab log so chuke the tamām
charāġh mujh se mire tajarbe se mil rahā thā

hameñ hī raushnī us kī nazar nahīñ aatī
charāġh to pas-e-mehrāb hai hamāre liye

mat chheḌiye hamāre charāġhe-e-ḳhulūs ko
shāyad koī sharār hī muñh par uchhal paḌe

huā kī be-rañg taḳhtiyoñ par sadā kī tahrīr kyā ubhāreñ
sukūt ke be-nishāñ khañDar meñ charāġh-e-āvāz kyā jalā.eñ

koī dam kā mehmāñ huuñ ai ahl-e-mahfil
charāġh-e-sahar huuñ bujhā chāhtā huuñ

rasta dikhā sakā na jinheñ nūr-e-āftāb
jalne lage charāg to vo rahnumā hue

abhī raushan hai ye charāġh
to ye na samjho