Tags-Charagh

sahrā-e-vafā meñ mere fan kī
ḳhushbū kā charāġh jal rahā hai

chaḌhā.e gor-e-ġharībāñ pe kaun chādar-e-gul
charāġh le ke koī qabr par nahīñ aatā

dekh kar us kā ravayya ḳhud bujhāyā thā jise
vo charāġh-e-ārzū phir se jalānā paḌ gayā

'ārzū' dil hai vaqf-e-bīm-o-umīd
jhilmilātā charāġh jugnū kā

ye charāġh be-nazar hai ye sitāra be-zabāñ hai
abhī tujh se miltā-jultā koī dūsrā kahāñ hai

vo charāġh-e-jāñ ki charāġh thā kahīñ rahguzār meñ bujh gayā
maiñ jo ik sho.ala-nazhād thā havas-e-qarār meñ bujh gayā

ashk ke girte hī āñkhoñ meñ añdherā chhā gayā
kaun sī hasrat kā yārab ye charāġh-e-ḳhāna thā

matā-e-dīd to kyā jāniye kis se ibārat hai
charāġh-e-ḳhvāb hī kuchh der raushan ho ġhanīmat hai

har nayā daur na.e le ke charāġh aayā kiyā
ik añdherā sā magar ziist pe chhātā hī rahā

hue haiñ qāfile zulmat kī vādiyoñ meñ ravāñ
charāġh-e-rāh kiye ḳhūñ-chakāñ jabīnoñ ko

is taraf aish kī sham.eñ to udhar dil ke charāġh
dekhnā ye hai ki parvāna kidhar jaatā hai

usī charāġh se nisbat rakhūñ abhī 'sājid'
ki dil lagā.ūñ kisī aur dil-rubā ke saath

bujh rahe haiñ charāġh-e-dair-o-haram
dil jalāo ki raushnī kam hai

aks-dar-aks the rañgoñ ke charāġh
maiñ ne miTTī kā diyā apnāyā

pas-e-zulmat koī sūraj hamārā muntazir hogā
isī ik vahm ko ham ne chirāġh-e-rah-guzar jaanā

kis ke dast-e-savāl meñ hai ik lambī chup kā charāġh
jhāñktā hai kyuuñ ik khiḌkī se koī chehra bahut

simaTte phailte saa.e kalām karne lage
lahū meñ ḳhauf kā pahlā charāġh jalte hī

ye mas.ala nahīñ ki jaleñge kahāñ charāġh
kaise havā.eñ ā.eñgī qaabū meñ sochiye

is shahr-e-be-charāġh se aao nikal chaleñ
vo is liye ki shor yahāñ chāñdnī kā hai

ḳhat dekh kar mirā mire qāsid se yuuñ kahā
kyā gul nahīñ huā vo charāġh-e-sahar hanūz