Tags-Charagh

āḳhirī saañs le rahī thī raat
jab charāġh āftāb se haarā

ghar meñ jo ik charāġh thā tum ne use bujhā diyā
koī kabhī charāġh ham ghar meñ na phir jalā sake

charāġh-e-yād kī lau ham-safar kahāñ tak hai
ye raushnī mirī dahlīz par kahāñ tak hai

vo bichhaḌ gayā to pata chalā ki thā saḳht kitnā ye hādisa
gayā nuur jaise charāġh kā ki badan se aks judā huā

ġhazal kahī hai kisī be-charāġh lamhe meñ
shab-e-firāq ke kājal-zada azīzoñ par

jab madd-e-nazar aġhyār the vaañ tārīk thā yaañ ā.ankhoñ meñ jahāñ
raushan hai charāġh-e-rūh-e-ravāñ kyā aaj idhar hai partav-e-ruḳh

yakāyak phir charāġh ummīd ke hone lage raushan
ye sub.h-e-roz-e-mahshar hai ki shām-e-sub.h-e-hastī hai

niiñd bhare halkore leñ rāteñ kis ke hāthoñ
kaun charāġh-e-sub.h ujāle ye ham kyā jāneñ

ajiib shaam thī jab lauT kar maiñ ghar aayā
koī charāġh liye muntazir nazar aayā

tīrgī kī āñdhiyāñ uThtī rahīñ har nuur se
ik charāġh aisā hai siine meñ ki be-roġhan jalā

charāġh-e-jāñ kā muqaddar ho jo bhī ai 'ma.asūm'
havā ke sāmne masrūf-e-imtihān to hai

yuuñ niiñd se kyuuñ mujhe jagā kar charāġh-e-ummīd phir jalā kar
huī sahar to use bujhā kar havā ke jaisā guzar gayā vo

haiñ payām-e-āmad-e-shām-e-ġham ruḳh-e-āftāb kī zardiyāñ
ye tamām din to kuchh aur thā magar ab charāġh-e-mazār hai

itne mānūs hue mujh se mire ghar ke charāġh
shaam hote hī mujhe dekh ke jal jaate haiñ

ye shā.erān-e-ġhalat-bīñ kaheñge ik din 'shād'
hameñ charāġh dikhāo ki raushnī kam hai

savād-e-shām ke ḳhāmosh jugnuoñ se kaho
tumhīñ charāġh jalāo ki raushnī kam hai

ravā nahīñ ki kisī Dūbte sitāre ko
charāġh-e-rāh banāo ki raushnī kam hai

tavīl umr kī Dheroñ duā.eñ bhejī haiñ
mire charāġh ko paanī se bharne vāloñ ne

charāġh-e-ḳhāna se vo ban ga.e haiñ sham.a mahfil kī
agar aisā na hotā phir ye parvāne kidhar jaate

daaġh kā jism-e-zār se hai faroġh
ḳhas se jaise charāġh jaltā hai