Tags-Charagh

ham se raushan hai tumhārī bazm yuuñ
nāgavārā jaise garmī kā charāġh

vo haqīqat hai dil-e-afsurda kī
TimTimā.e jaise sardī kā charāġh

ḳhair se rahtā hai raushan nām-e-nek
hashr tak jaltā hai nekī kā charāġh

gul huā ye kis kī hastī kā charāġh
mudda.ī ke ghar jalā ghī kā charāġh

jahāñ rahegā vahīñ raushnī luTā.egā
kisī charāġh kā apnā makāñ nahīñ hotā

maiñ raakh hotā gayā aur charāġh jaltā rahā
charāġh jaltā rahā āsmāñ pighaltā rahā

charāġh kahne lagā phir havā ke jhoñke se
ye ehtimām to ai dost hai tirā na mirā

ḳhalvat-e-ummīd meñ raushan hai ab tak vo charāġh
jis se uThtā hai qarīb-e-shām yādoñ kā dhuāñ

agar nasīb meñ tārīkiyāñ hī likkhī thiiñ
to phir charāġh havā meñ jalānā chāhiye thā

jism ik rāhguzar hai dil miTTī kā diyā
gul hotā hai kab ye charāġh-e-shab dekheñ

agar huuñ rishte ujāloñ se mo'atabar phir to
charāġh baḌh ke añdheroñ kī ḳhud madad kar deñ

bisāt-e-imkān par taġhayyur kā husn mohre badal rahā hai
charāġh-e-hairat kī lau meñ zinda haiñ raqs karte hue zamāne

sadī kī raat guzārī umiid ke bal par
bujhā charāġh-e-sahar karb-e-intizār gayā

koī kisī kā nahīñ is sarā-e-fānī meñ
koī charāġh bujhā ye sadā lagāte hue

miTā gayā thā lahū ke sabhī nishāñ qātil
magar jo shaam Dhalī sab charāġh jalne lage

ye kyā huā ki sabhī ab to daaġh jalne lage
havā chalī to lahū meñ charāġh jalne lage

rukā huuñ kis ke vahm meñ mire gumān meñ nahīñ
charāġh jal rahā hai aur koī makān meñ nahīñ

apne dāman meñ chhupā le mire ashkoñ ke charāġh
aur kyā tujh se koī ai shab-e-furqat māñge

merī āñkhoñ meñ hue raushan jo ashkoñ ke charāġh
un ke hoñToñ par tabassum kā diyā jaltā rahā