Tags-Charagh

kisī ko miltā nahīñ ik charāġh mīloñ tak
kisī kī bastī meñ sau āftāb aate haiñ

sukūñ se marte haiñ marne vaale jinheñ ujāloñ kī hai tamannā
yahī bahut hai ki sū-e-maqtal charāġh-e-shām-o-sahar rahe haiñ

aaj har zehn meñ raushan meñ tafakkur ke charāġh
dil vo sho.ala hai ki jis se ye sharāre TuuTe

dil bhī to ik dayār hai raushan harā-bharā
āñkhoñ kā ye charāg bujhā aur dekh le

charāġh-pā hai mirī niiñd in dinoñ mujh se
maiñ koī shahr basāne lagā thā ḳhvāboñ kā

kisī ḳhayāl kī mish.al kisī sadā kā charāġh
har ek samt añdherā dikhā.ī detā hai

charāġh-e-manzil-e-fardā jalā.egā ik roz
vo rāhgīr jo tanhā dikhā.ī detā hai

shahzādī tujhe kaun batā.e tere charāg-kade tak
kitnī mehrābeñ paḌtī haiñ kitne dar aate haiñ

zīna-e-shām pe rakkhā hai charāġh-e-ḳhasta
jis kī rag rag meñ ravāñ zard dhuāñ thā pahle

to phir charāġh the ham be-charāġh rātoñ ke
palaT ke guzrī huī raat jab nahīñ aa.ī

mirī zindagī ke charāġh kā ye mizāj koī nayā nahīñ
abhī raushnī abhī tīrgī na jalā huā na bujhā huā

ravāñ the ham to safar par charāġh-e-hosh liye
magar sabāt-e-jahāñ kār-e-nā-gahāñ niklā

raah takte haiñ kahīñ duur ka.ī sust charāġh
aur havā tez huī jaatī hai achchhā mire dost!

ye dāmān-e-havādis se qayāmat tak na gul hogā
charāġh-e-dil mirā raushan hai un kī sham-e-mahfil se

mirī ḳhushiyoñ meñ terī is ḳhushī ko kyā kahūñ maiñ
charāġh-e-ārzū tujh ko bujhāyā jā rahā hai

charāġh-e-gul ko raushan kar diyā aahoñ ke sho.ale se
hazāroñ darje bulbul ḳhām-parvānoñ se pakkā hai

jo bādaloñ meñ tirī maañg sī lakīroñ par
nazar ga.ī to diloñ meñ charāġh jalne lage

charāġh jalne lageñ aur dil machalne lage
udhar ho raat udhar koī jī ko malne lage

gale meñ naam kī taḳhtī gulāb rakhte haiñ
charāg apnā ta.āruf kahīñ karātā hai kyā

charāġh-e-shām-e-tanhā.ī bhī raushan rakh nahīñ paa.e
ab aur aage havā kī dostī se chāhte kyā ho