Tags-Charagh

tū ne raushan kiye har taaq pe furqat ke charāġh
jis meñ tanhā.iyāñ rahtī haiñ vo ghar terā hai

charāġh haath meñ thā tiir bhī kamān meñ thā
maiñ phir bhī haar ga.ī tū jo darmiyān meñ thā

mauj-e-havā se phūloñ ke chehre utar ga.e
gil ho ga.e charāġh gharauñde bikhar ga.e

vo gore gore chehroñ pe zulfeñ idhar udhar
aḳhtar se vo chamakte hue kaan ke guhar

jab raakh ban ga.e to kahā ye harīf ne
jal jal ke vo jalāte rahe haiñ charāġh-e-dil

be-Thikāna yuuñ kiyā jā.egā ik jaltā charāġh
tāqche meñ mom kī guḌiyā biThā dī jā.egī

kisī ko tīrgī pāgal na kar sake jab tak
kahāñ charāġh kī lau se palaT ke dekhtā hai

bujhāne ko havā ke saath gar bārish bhī aa jaa.e
charāġh-e-be-haqīqat kī haqīqat aur baḌhtī hai

husn bhī husn hai mohtāj-e-nazar hai jab tak
sho.ala-e-ishq charāġh-e-tah-e-dāmāñ hī sahī

shām-e-ġham tere tasavvur hī se āñkhoñ meñ charāġh
varna mere ghar meñ ho aur raushnī tere baġhair

numūd paate haiñ manzaroñ kī shikast se fat.h ke bahāne
charāġh zinda kiyā hai merā galī meñ dam toḌtī havā ne

jin ke dhueñ se phailtī hai āfiyat kī lau
aise bhī kuchh charāġh sar-e-shab jalā.iye

taaq meñ kab se sajā rahā huuñ yād-e-charāġh
tū hī to hai ik merā āshnā bāhar aa

maġhrūr na ho chāñd se ruḳhsār par apne
ye qumquma raushan hai charāġh-e-saharī se

dasht-e-ummīd meñ jaltā hai mire ḳhuuñ kā charāġh
raah manzil kī kaho mere sivā kaun dikhā.e

apnī to jhoñpaḌī meñ thiraktā nahīñ charāġh
jā kar kisī raqīb ke ghar raqs kījiye

mere siine meñ munavvar hue yādoñ ke charāġh
bazm-e-ḳhūbāñ kī tarah shahr-e-nigārāñ kī tarah

sūraj to jā ke chain se bistar pe so gayā
shab bhar magar charāġh havā meñ lagā rahā

koī charāg jalātā nahīñ salīqe se
magar sabhī ko shikāyat havā se hotī hai

vo ġharīb-o-be-kas-o-zār thā tujhe us kā detā huuñ maiñ pata
tire kushta kā vo mazār thā ki charāġh jis meñ jalā nahīñ