Tags-Charagh

qurbatoñ ke charāġh gul kar ke
fāsloñ ke diye jalā.ūñgā

salīb uThā ke kabhī kūcha-e-sitam meñ bhī chal
junūñ kī lau se bhī dasht-e-charāġh raushan kar

atāq-e-shab meñ sahar ke charāġh raushan kar
qabā-e-dil hī nahīñ dil ke daaġh raushan kar

musāfirān-e-shab-e-ġham kī raah meñ 'jāmī'
na.e charāġh mirī fikr ne jalā.e haiñ

har ek kāñTe pe surḳh kirneñ har ik kalī meñ charāġh raushan
ḳhayāl meñ muskurāne vaale tirā tabassum kahāñ nahīñ hai

maiñ huuñ sham-e-mahfil-e-jāvedāñ mirī zindagī nahīñ muḳhtasar
maiñ charāġh-e-rāhguzar nahīñ jo bujhā bujhā sā ho shaam se

barg-e-gul par charāġh sā kyā hai
chhū gayā thā use dahan merā

charāġh sard hue dhuup kī tamāzat se
daraḳht niiñd ke aalam meñ thartharā.e ga.e

charāġh huuñ kab se jal rahā huuñ mujhe duāoñ meñ yaad rakhiye
jo bujh gayā to sahar-numā huuñ mujhe duāoñ meñ yaad rakhiye

vo āftāb hai charchā hai chaar sū us kā
maiñ ik charāġh huuñ gosha-nashīn huuñ ḳhush huuñ

lahad pe chal ke havā gar bujhātī hai to bujhā.e
tumhārā ho chukā ehsāñ ki ḳhud jalā.e charāġh

vo bujhte dil ko na dekheñ kisī ke ḳhuub hai ye
vo muñh ko pher leñ jis vaqt jhilmilā.e charāġh

kabhī añdhere se ghabrā.e raushnī se kabhī
kabhī bujhā.e charāġh aur kabhī jalā.e charāġh

jo thā to bas vahī dil-soz bhī thā ai 'jāved'
kisī ne dil na jalāyā yahāñ sivā.e charāġh

ik āh-e-garm se turbat meñ kaam lene do
yūñhī jalā.e isī tarah se bujhā.e charāġh

lahad pe bū-e-vafā aa rahī thī vaqt-e-sahar
kahīñ kahīñ jo paḌe haiñ jale-jalā.e charāġh

firāq manziloñ kā ik ġhubār thā ki jis ghaḌī
charāġh-e-shab ne aur dil ne mehmān kho diyā

jaane kyā soch ke logoñ ne bujhā.e haiñ charāġh
raat kaTtī to sahar hotī ujālā hotā

kyuuñ ġhash hue kalīm tajallī-e-tūr par
vo ik charāġh thā mire dal ke mazār kā

salīqa hai mujhe tāroñ se lau lagāne kā
ki maiñ charāġh nahīñ daaġh ke gharāne kā